Aımaqtar • 31 Tamyz, 2021

Sibir jarasyna baılanysty Aqjar aýdany tórt aımaqqa bólindi

730 ret

kórsetildi

1 mın

oqý úshin

Aqjar aýdanynda iri qara mal arasynda asa qaýipti sibir jarasy aýrýynyń anyqtalýyna baılanysty Soltústik Qazaqstan oblysy bas memlekettik veterınarııalyq-sanıtarııalyq ınspektorynyń hatyna sáıkes, ákimdiktiń qaýlysy qoǵamdyq talqylaýǵa shyǵaryldy, dep habarlaıdy Egemen.kz.

Gaýhar QAPASh

Sibir jarasyna baılanysty Aqjar aýdany tórt aımaqqa bólindi

Qaýlyǵa sáıkes, SQO Aqjar aýdanynyń aýmaǵy mynadaı aımaqtarǵa bólinsin:

epızootııa oshaǵy men «Ak-Nıet-Agro ı K» jaýapkershiligi shekteýli seriktestigine tıesili shalǵaıdaǵy bir jaıylymdy qamtıtyn epızootııa oshaǵynyń shekarasynan 6 (alty) kılometr radıýstaǵy qolaısyz aımaq;
qolaısyz aımaq shekarasynan 3 (úsh) kılometr radıýstaǵy býfer aımaǵy;
Aqjar aýdany Novoselsk aýyldyq okrýgi Gorkov aýyly men «Ak-Nıet-Agro ı K» jaýapkershiligi shekteýli seriktestigine tıesili shalǵaıdaǵy bir jaıylymdy qamtıtyn býfer aımaǵynyń shekarasynan 3 (úsh) kılometr radıýstaǵy baqylaý aımaǵy;
Aqjar aýdany Voshod aýyldyq okrýgi Voshod aýylyn, Uıaly aýyldyq okrýgi Uıaly aýylyn, Maı aýyldyq okrýgi Maı aýylyn qamtıtyn baqylaý aımaǵynyń shekarasynan tysqary qolaıly aımaq.