Kezdesýge qatysqan balalar jeńiske jetý jolyndaǵy qyzyqty oqıǵalarymen bólisip, usynysyn aıtty, sonymen qatar suraqtaryna jaýap aldy.
«Oqýshylarmen jáne jattyqtyrýshylarmen olımpıadalyq qozǵalysty aldaǵy ýaqytta odan ári damytý baǵyttaryn talqyladyq», dep jazdy mınıstr óziniń Facebook paraqshasynda.
Bıyl olımpıadanyń respýblıkalyq kezeńi jańa elektrondyq formatta ótti.
Mınıstrdiń jazýynsha, qazirgi tańda el Prezıdenti Qasym-Jomart Kemeluly Toqaevtyń tapsyrmasyna saı mınıstrlik daryndy balalardy qoldaý baǵytynda júıeli jáne keshendi sheshimder ázirlep jatyr.
Kezdesý sońynda olımpıada júldegerlerine Memleket basshysynyń atynan Alǵys hattar tabys etildi.
«Sonymen birge biz jattyqtyrýshylardyń eńbegin de atap óttik. Buǵan deıin meniń atymnan 3 myń daryndy balanyń ata-analaryna Alǵys hat jiberilgen bolatyn. Men olımpıada qatysýshylarynyń muǵalimderine, ata-analary men jattyqtyrýshylaryna taǵy da alǵys aıtqym keledi. Sizderdiń mundaı nátıjelerge qol jetkizýde eńbekterińiz orasan zor. О́z kezeginde Bilim jáne ǵylym mınıstrligi oqýshylarymyzdyń bıik belesterdi odan ári baǵyndyryp, Qazaqstandy álemdik arenada laıyqty deńgeıde tanytýlaryna jaǵdaı jasaýdy jalǵastyratynyn atap ótkim keledi», dep jazady mınıstr.
