Jyl basynan beri polısııa departamentiniń esirtki qylmysyna qarsy is-qımyl basqarmasynyń qyzmetkerleri Jambyl oblysynyń aýmaǵynda barlyǵy 2 tonna 23 kılogramm túrli esirtki zattaryn tárkiledi.
Polisia.kz taratqan aqparat boıynsha, «Qarasora-2021» Respýblıkalyq jedel aldyn alý is-sharasy aıasynda Jambyl oblysy Baızaq aýdanynyń 49 jastaǵy turǵynynan jalpy salmaǵy 928 kg kannabıs tabylǵan, sondaı-aq kúdiktini jeke tintý kezinde 320 gramm kannabıs shaıyry tárkilengen.
Qazaqstan Respýblıkasy Qylmystyq kodeksiniń 297-baby 3-bóligi «Esirtki zattaryn ótkizý maqsatynda asa iri mólsherde zańsyz saqtaý» boıynsha sotqa deıingi tergeý bastaldy. Kináli ÝUI-ǵa qamaldy.
Atalǵan qylmysy úshin kináliniń múlki tárkilenip, 10 jyldan 15 jylǵa deıingi merzimge bas bostandyǵynan aıyrý jazasyna kesiledi.
