«Balalardyń jol kólik jaraqatyn alýynyń birneshe sebebi anyqtaldy. Biz orta mekteptermen shektesetin jol jelisine zertteý júrgizdik. Nátıjesinde sondaı jerlerge jasandy kedergiler qoıý arqyly jol-kólik oqıǵasy saldaryn jeńildetýge bolatynyn kórdik. Endi aýmaqtardaǵy 120 mekteptiń janyndaǵy joldarǵa sondaı jasandy kedergiler qoıý kerek. Barlyq mekteptiń jáne nazar aýdarýdy qajet etetin mekenjaılardyń tizimi shara qabyldaý úshin aýdan ákimderine jiberildi», deıdi Almaty qalalyq polısııa departamentiniń bastyǵy Qanat Taımerdenov.