Is-sharaǵa Parlament Májilisiniń depýtattary, memlekettik organdardyń ókilderi, etnomádenı birlestikterdiń jetekshileri men músheleri, QHA qoǵamdyq qurylymdarynyń, Qazaqstan halqy Assambleıasy kafedralary, ǵylymı jáne shyǵarmashylyq ıntellıgensııa, etnomádenı birlestikter jastary, QHA «Jańǵyrý joly» jastar qozǵalysynyń músheleri men BAQ ókilderi qatysty.
Dóńgelek ústel spıkerleri – Parlament Májilisiniń depýtattary Ábilfas Hamedov, Vakıl Nabıev, D.A.Qonaev atyndaǵy Eýrazııalyq zań akademııasynyń rektory О́miráli Jalaırı, sondaı-aq baıandamashylar demokratııalyq saıası júıesi, ashyq naryqtyq ekonomıkasy, beıbit saıasaty bar qazirgi Qazaqstannyń damýyna Ata Zańnyń negiz bolǵanyn ári elimizdiń álemdegi bedeliniń ósýine yqpalyn tıgizgenin atap ótti.
Konstıtýsııa qoǵamdyq kelisim men ulttyq birlikti nyǵaıtýdyń, azamattarǵa etnosyna qaramastan, teń múmkindikterdi qamtamasyz etýdiń irgeli negizderin bekitti. Negizgi Zańǵa sáıkes, Qazaqstan Respýblıkasynyń árbir azamaty ana tilin qoldanýǵa, qarym-qatynas, bilim berý, oqý jáne shyǵarmashylyq tilin erkin tańdaýǵa quqyly. Ata Zań barlyq etnostyq toptardyń qaýipsizdigin, salt-dástúrlerin, tili men mádenıetin erkin damytýǵa múmkindik beredi. Al etnosaralyq jáne konfessııaaralyq kelisimdi buzatyn kez kelgen áreketter konstıtýsııalyq emes dep tanylady.
Qazaqstanda turatyn etnos ókilderi memlekettik tildi úırenýdiń mańyzdylyǵyn túsinýde, jyldan-jylǵa qazaq tilinde sóıleıtin jastardyń qatary ósip keledi. QHA da osy baǵytta jumys istep, memlekettik tildi úırenýge arnalǵan túrli jobalardy júzege asyrýda. Munyń bári eldiń damýyna, barlyq qazaqstandyqtardyń bolashaq úshin birlesken jáne jemisti jumysyna berik negiz quraıdy.
Qatysýshylar barlyq etnos ókilderin tabysty damýdyń, qazaqstandyq qoǵamda birlik pen kelisimniń saqtalýynyń negizi bolyp tabylatyn Ata Zańda jarııalanǵan normalardy buljytpaı saqtaýǵa shaqyrdy.
