«Zamana aǵysynda ult kóshbasshysy bolǵan tulǵa esiminiń ýnıversıtetimizge berilýiniń tarıhı negizi bar. Bul sonymen qatar ýnıversıtet quryltaıshylary men bilim alýshylarynyń el men Semeı qalasy tarıhyna jáne ulttyq múddeni tý etip kótergen Álıhan Bókeıhan bastaǵan Alash qozǵalysy qaıratkerleriniń tarıhı qyzmetine kórsetken qurmet», dedi ýnıversıtet rektory Shynar Qurmanbaeva.
Álıhan Bókeıhannyń esimin respýblıka kólemindegi bedeldi ýnıversıtetke berý jónindegi usynystar 2011 jyldardan bastap, jıi aıtylyp keledi. Álıhanǵa arnalǵan ártúrli ǵylymı sharalar men konferensııalardyń qorytyndy qararlarynda osy másele birneshe márte kóterilgen bolatyn.
Alash kóseminiń týǵanyna 155 jyl tolýyna oraı Semeı qalasynda «Álıhannyń Semeıge oralýy» atty ǵylymı konferensııa ótkenin de aıta keteıik.
