Kórmede biregeı fotosýretter, tarıhı qujattar, onyń ishinde Qazaqstannyń Tuńǵysh Prezıdenti – Elbasy Nursultan Nazarbaevtyń polıgondy jabý týraly Jarlyǵy, sonymen qatar sýretshi, ıadrolyq qarýǵa qarsy halyqaralyq qozǵalystyń belsendisi Káripbek Kúıikovtiń sýretteri usynylǵan.
Ashylý rásimine ıordan jurtshylyǵynyń, dıplomatııalyq korpýstyń, sarapshylar tobynyń jáne qazaq dıasporasynyń ókilderi qatysty.
«Qazaqstannyń Iordanııadaǵy Elshisi Aıdarbek Tumatov óziniń quttyqtaý sózinde QR Tuńǵysh Prezıdenti – Elbasy Nursultan Nazarbaevtyń Semeı synaq polıgonyn jabý týraly tarıhı sheshimi, Qazaqstannyń ıadrolyq qarýdan azat álem qurýǵa baǵyttalǵan jáne sonyń aıasynda 29 tamyz Halyqaralyq ıadrolyq synaqtarǵa qarsy is-qımyl kúni bolyp jarııalanǵan ıadrolyq qarýǵa qarsy bastamalary týraly habardar etti», dep jazady SIM baspasóz qyzmeti.
