Bilim • 01 Qyrkúıek, 2021

Nur-Sultanda 8 mektep ashyldy

103 ret kórsetildi

Nur-Sultan qalasynyń ákimi Altaı Kólginov Instagram paraqshasynda oqýshylardy oqý jylynyń bastalýymen quttyqtap, búgin qalada 8 jańa mektep ashylǵanyn habarlady, dep jazady Egemen.kz.

Foto: Aleksandr Kýprıenko

«Qurmetti ustazdar, oqýshylar jáne ata-analar!

Sizderdi jańa oqý jylynyń birinshi kúnimen quttyqtaımyn! 1 qyrkúıek – ata-analar men oqýshylar úshin mańyzdy kún. Oqý jylyn dástúrli oflaın-formatta bastaımyz. Baǵa úshin emes, bilim alý úshin oqyńyzdar! Kúndelikti eńbek pen bilim arqyly bolashaqta úlken jetistikterge jete alasyz! Eń bastysy – ózińizge, óz kúshińizge sený.

Oqýǵa qolaıly jaǵdaı jasaý úshin jyl saıyn jańa mektepter salyp jatyrmyz. Bıyl 15 mektep salamyz, olardyń 8-i ashyldy. Jańa mektepterdiń qatarynda jeke ınvestısııalar esebinen salynǵan mektepter de bar.

Mysaly, búgin №23 orta mektepte (О́ndiris eldi mekeni, Baıqońyr aýdany) boldym. Memleket basshysynyń tapsyrmasyna sáıkes mektepte jaıly korpýs salyndy. Jańa mektep eki aýysymda 1200 balaǵa eseptelgen. Jańa ǵımaratta robototehnıka, hımııa, bıologııa, fızıka, "STEM", "Intellektým", ınklıýzııany qoldaý kabınetteri jáne t.b. kabınetter bar. Prezıdent atynan mektepke avtobýs berildi.

Sondaı-aq, búgin №92 jańa mektepke bardym (Maıqaıyń kóshesi, Almaty aýdany). Bul mektep 2400 oqýshyǵa eseptelgen (eki aýysymda). Mektepte hımııa, bıologııa, fızıka, robototehnıka, "STEM", "Intellektým" jáne t.b. jańa modıfıkasııadaǵy biregeı kabınetter ashyldy.

15 mekteptiń qurylysy 40 myńnan astam oqýshy ornyn ashýǵa múmkindik beredi. О́tken jylmen salystyrǵanda oqýshy oryndarynyń sany 2 eseden artyq, al 2019 jylmen salystyrǵanda 4 eseden artyq ulǵaımaq.

Keshendi jospar aıasynda 5 jyldyq kezeńge 67 mektep salý josparlanyp otyr. Mektepterdi MJÁ aıasynda jáne jeke ınvestısııalar esebinen salyp jatyrmyz.

Investısııalyq keńesterde turǵyndar arasynda úlken suranysqa ıe 30-dan astam jekemenshik oqý ornynyń qurylysyna qoldaý kórsettik.

Barshańyzdy oqý jylynyń bastalýymen quttyqtaımyn! Sizderge myqty densaýlyq pen bilim alýda qulshynys tileımin!» dep jazdy elorda ákimi.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar