Zaısandaǵy «Shyǵys» qurylys-montaj basqarmasynyń qurylǵanyna shırek ǵasyrǵa taıaý ýaqyt ótipti. Ony óz isiniń bilgir mamany Qýatbek Ábjanov basqarady. Qazirgi tańda ujymda 500 adam eńbek etedi. Atalmysh qurylys kompanııasy búginge deıin aýdanda jáne odan tysqary jerlerde ondaǵan ǵımarattardy paıdalanýǵa berdi. Olardyń qatarynda Zaısandaǵy 60 páterli turǵyn úı, káriz júıesi, kópir, basqa da qurylys nysandary bar. Búgingi kúni «Qoljetimdi baspana» baǵdarlamasy boıynsha ujym 60 páterli eki turǵyn úıdiń, 300 oryndyq jataqhananyń qurylysyn salyp jatyr. Olar osy mekemede eńbek etetin jumysshylarǵa jáne áleýmettik jaǵynan az qamtylǵan otbasylar men kezekte turǵandarǵa berilmek. «Zaısan sýlary» mekemesi shyǵaryp jatqan rodon sýynyń ataǵy alysqa ketken. Onyń syrtynda basqarmanyń óz sharýa qojalyǵy bar, olar óndirgen et, sút ónimderi arzan baǵamen saýdalanýda.
Zaısandaǵy «Shyǵys» qurylys-montaj basqarmasynyń qurylǵanyna shırek ǵasyrǵa taıaý ýaqyt ótipti. Ony óz isiniń bilgir mamany Qýatbek Ábjanov basqarady. Qazirgi tańda ujymda 500 adam eńbek etedi. Atalmysh qurylys kompanııasy búginge deıin aýdanda jáne odan tysqary jerlerde ondaǵan ǵımarattardy paıdalanýǵa berdi. Olardyń qatarynda Zaısandaǵy 60 páterli turǵyn úı, káriz júıesi, kópir, basqa da qurylys nysandary bar. Búgingi kúni «Qoljetimdi baspana» baǵdarlamasy boıynsha ujym 60 páterli eki turǵyn úıdiń, 300 oryndyq jataqhananyń qurylysyn salyp jatyr. Olar osy mekemede eńbek etetin jumysshylarǵa jáne áleýmettik jaǵynan az qamtylǵan otbasylar men kezekte turǵandarǵa berilmek. «Zaısan sýlary» mekemesi shyǵaryp jatqan rodon sýynyń ataǵy alysqa ketken. Onyń syrtynda basqarmanyń óz sharýa qojalyǵy bar, olar óndirgen et, sút ónimderi arzan baǵamen saýdalanýda.
Oblys ortalyǵynan 500 shaqyrym shalǵaıda jatqan aýdanda qurylys materıaldary kombınatyn salý arman bolatyn. Shyǵystaǵy aýyldyq óńirde eń birinshi bolyp qurylys materıaldary kombınatyn salsam degen oıyn óńir basshysy Berdibek Máshbekulyna aıtqan kezde ol qyzý qoldaý tapty. Endi, mine, isker azamat Q.Ábjanovtyń erligine jurtshylyq tánti bolyp otyr. Bastapqyda shalǵaıdaǵy aýdandaǵy qurylys materıaldaryn basqa jaqqa jóneltý tıimdi emes degender tabylǵan. Elimizdegi ındýstrııalyq-ınnovasııalyq baǵdarlamaǵa engen qurylysqa Úkimet «Damý» qory arqyly 1 mıllıard 400 mıllıon teńge qarjy bóldi. Qýattyń jigitteri eń aldymen uzyndyǵy 9, 10.5, 6 metrlik tóbelerdi jabatyn plıtalar shyǵaratyn sehty paıdalanýǵa berdi. Onyń janynda jylyna 5 mıllıon kirpish shyǵaratyn zaýyt ornalasqan. Sonymen iske kirisken qurylysshylar ótken jyldan beri plıtalar men kópirge, taǵan jumystaryna qajet, barlyǵy 153 túrli temir-beton buıymdaryn shyǵara bastady. Sapasy da jaman emes, kórshi Kúrshim, Tarbaǵataı, Kókpekti aýdandarynan suranys túse bastady.
Jaqynda qurylys materıaldary kombınatynda bolýdyń sáti tústi. Janymyzda aýdandyq máslıhattyń hatshysy Dáýlet Ydyryshev, «Shyǵys» qurylys-montaj basqarmasynyń basshysy Qýatbek Zamanbekuly bar. Atshaptyrym seh ishinde qaınaǵan qyzý eńbek. Arnaıy qalyptarǵa quıylǵan tóbe jabatyn plıtalar birneshe kúnnen keıin daıyn bolady eken.
– Aýdan ekonomıkasynyń damýyna qurylys kombınaty úlken úles qosa bastady. 500 adamǵa jumys taýyp berip, olardyń áleýmettik jaǵdaıyna da kóńil bólip, 60 páterli eki turǵyn úıdi salyp jatqan Qýat sııaqty azamattar barshylyq. 1 mıllıard 400 mıllıon teńgege káriz júıesin de salyp bitirmek. Jaqynda Italııadan 410 mıllıon teńgege satyp alǵan jańa tehnologııa kelip túspek, – deıdi aýdandyq máslıhattyń hatshysy Dáýlet Nurhanuly.
– Elbasynyń jaqyndaǵy Qazaqstan halqyna Joldaýynda el ekonomıkasyn kóterýge barlyq azamattardyń úles qosýy qajet ekeni aıtylǵany belgili. Ekonomıka kúsheıse halyqtyń turmysy jaqsarady, jumys oryndary ashylady. Bizde qazir 300-den astam adam eńbek etedi, jalaqylaryn ýaqtyly alady. Qurylys kompanııasymen birge jasasyp, ystyǵy men sýyǵyna birdeı tózip kele jatqan Qýat Elekenov, Aıdar Musabekov, Málimbek Musabekov, basqalarǵa ystyq iltıpatymdy bildiremin. Aýdan ákimi Almas Ońdaqanov bizge jıi kelip, kómegin kórsetip turady. Zaýyt janynan úı terezeleri men esikterin plastıkten jasaıtyn seh jumys isteı bastady. Onda eńbek etetin Dálelhan, Omarhan, Baqythan da óz isin sheber meńgerip aldy. Amanshylyq bolsa, alǵa qoıǵan maqsat aıqyn, aldaǵy ýaqytta da ekonomıkasy damyp kele jatqan óńirdegi qurylysqa qajet temir-beton buıymdaryn sapaly etip jasaı bermekpiz. Zaısanda gaz, kómir óndiriledi. Munaı da jaqyn arada el ıgiligine jaramaq. Jetpeı turǵany qurylys materıaldary kombınaty edi, ol da jumys isteı bastady, – deıdi Qýatbek Zamanbekuly.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Zaısan aýdany.
Sýret avtordiki.
