Qalalyq jumyspen qamtý jáne áleýmettik baǵdarlamalar bólimi ornalasyp kelgen burynǵy balabaqsha kúrdeli jóndeýden ótip, «Balaýsa» degen ádemi atty ıelendi. Onyń ashylý saltanatyna aımaq basshysy Samat Eskendirov qatysyp, 80 orynǵa shaqtalǵan mektepke deıingi tárbıe oshaǵyna pıanıno sertıfıkatyn tabys etti.
Qalalyq jumyspen qamtý jáne áleýmettik baǵdarlamalar bólimi ornalasyp kelgen burynǵy balabaqsha kúrdeli jóndeýden ótip, «Balaýsa» degen ádemi atty ıelendi. Onyń ashylý saltanatyna aımaq basshysy Samat Eskendirov qatysyp, 80 orynǵa shaqtalǵan mektepke deıingi tárbıe oshaǵyna pıanıno sertıfıkatyn tabys etti.
Ákim № 23 mektep janynan boı kótergen jańa hokkeı kortynda ótken qalalyq týrnırdi tamashalady. «Tulpar» balalar jáne jasóspirimder klýbynyń múshelerine jańa formalar tartý etti.
«Damý» kásipkerlikti damytý qory jergilikti fılıaly janynan shaǵyn jáne orta bıznes ókilderine qyzmet kórsetý ortalyǵy óz jumysyn bastady. Budan bylaı «bir tereze» qaǵıdatymen bızneske qatysty barlyq aqparattarǵa jaýapty osynan alýǵa bolady. Respýblıkalyq qor basqarmasynyń tóraıymy Lázzat Ibragımova bank, bıznes-qaýymdastyq, damý ınstıtýttary ókilderine býhgalterlik esep jáne salyq salý, kedendik resimdeý, marketıngtik zertteýler, IT-tehnologııa, taǵy basqa máseleler boıynsha qyzmet kórsetiletinin aıtyp berdi. Sondaı-aq, «Bıznes-Keńesshi» baǵdarlamasy boıynsha dáris beriledi. Kásipkerlerdiń biliktiligin arttyrý kýrstary tegin uıymdastyrylady. Ol úshin arnaıy kabınet bólingen. «Jas kásipkerler» klýbyn ashý josparlanǵan. Munda kásipkerler palatasy, «QazAgro» ulttyq basqarý holdıngi» AQ-tyń bólimshesi, halyqqa qyzmet kórsetý ortalyǵy da ornalasady.
L.Ibragımova respýblıkalyq «Altyn sapa» konkýrsyna jáne «Qazaqstannyń úzdik taýary» konkýrs-kórmesine qatysqan kásiporyn jetekshilerine Indýstrııa jáne jańa tehnologııalar mınıstrliginiń alǵys hattaryn tapsyrdy.
О́mir ESQALI,
«Egemen Qazaqstan».
Soltústik Qazaqstan oblysy.
