Opera jáne balet teatrynyń dırektory Maıra Muhamedqyzynyń aıtýynsha, pandemııaǵa baılanysty eki jyldan bergi alǵashqy saparǵa ujym tyńǵylyqty daıyndalǵan. Nur-Sultan qalasyna teatrdyń 170-ke jýyq qyzmetkeri kelse, elordadan 50-ge jýyq maman men arnaıy aspaptarmen qosylyp, «Domalaq ana» operasy sahnalanbaq. Ideıa avtory – Qazaqstannyń eńbek sińirgen ártisi, Memlekettik syılyqtyń laýreaty Maıra Muhamedqyzy, qoıylymnyń kompozıtory Mádenıet salasynyń úzdigi Tasqyn Jarmuhamet. Lıbrettosyn jazǵan Qazaqstannyń eńbek sińirgen qaıratkeri Ashat Maemırov, qoıýshy-rejısseri – Mıhaıl Pandjavıdze, qoıýshy-dırıjer – Mádı О́mirzaqov, qoıýshy-sýretshi – Baqyt Kúzembaev.
«Domalaq ana» operasy tek analyq qaısar júrek pen qalyń elge taraǵan keń peıildilikti aıshyqtap qana qoımaı, qazaq halqynyń tarıhyndaǵy mańyzdy oqıǵalardyń qozǵaýshysy bolǵan Báıdibek batyrdyń óz halqyna degen súıispenshiligimen bir arnaǵa toǵysyp, qazaq eliniń tarıhı tereńdigin, mádenı kórkemdigin keńinen qamtıdy.
