Mınıstrdiń aıtýynsha, jekeshelendirý josparyn iske asyrý boıynsha mınıstrlik jekeshelendirýdiń 2021-2025 jyldarǵa arnalǵan keshendi josparynyń ýaqytyly oryndalýyna baqylaýdy kúsheıtken. Ol úshin nysandardy ótkizý tásilderi ázirlengen.
«Nysandardyń 50%-y osy jyly, 30%-y 2022 jyly jáne 10%-y 2023-2024 jyldary satýǵa qoıylady. Oǵan qosa árbir nysan boıynsha ótkizýdiń «Jol kartasy» ázirlendi jáne memlekettik múlik tizimine engizildi. О́z kezeginde jekeshelendirý jorsparynyń iske asyrylýyna jaýapkershilikti kúsheıtý maqsatynda ákimdikterdiń ulttyq basqarýshy holdıngter men kompanııalardyń qyzmetin baǵalaý kezinde onyń oryndalýyn eskerý usynylady. Jalpy usynylyp otyrǵan sharalar 2025 jyldyń sońyna qaraı memlekettik ekonomıkaǵa qatysý úlesin JIО́-niń 14%-na deıin qysqartýǵa múmkindik beredi», dedi mınıstr.
Sonymen qatar ol memlekettik qarjyny basqarý tujyrymdamasyna qatysty mınıstrlik tarapynan tıisti usynystar daıyndalyp jatqanyn aıtty. Olardyń negizgileri memlekettik boryshtyń ósýin shekteý jáne ony qaýipsiz deńgeıde ustap turý úshin bıýdjet qarajatyn kezeń-kezeńimen tómendetý. Borysh turaqtylyǵynyń negizgi kórsetkishterin belgileý. Barynsha ekonomıkalyq tıimdilkke qol jetkizý úshin jobalardy egjeı-tegjeıli irikteý jáne taǵy basqalary.
Mınıstr sondaı-aq kvazımemlekettik sektor kompanııalarynyń birinshi basshylarynyń jaýapkershiligin normatıvtik turǵydan qarastyrý usynylǵanyn jetkizdi.
«Jaýapkershilik damý josparlarynda startegııalyq kórsetkishterge qol jetkizbegeni úshin, onyń ishinde kvazımemlekettik kompanııalardyń shyǵynǵa ushyraýyna jol bergeni úshin kózdeletin bolady», dedi Erulan Jamaýbaev.
