Búgin azyq-túlik tıelgen júk kóligi Baızaq aýdanyna jetip, jergilikti ákimdik tarapynan uıymdastyrylǵan ortalyq qoımaǵa ornalastyryldy. Atalǵan kómek tótenshe jaǵdaıdan zardap shekken turǵyndarǵa úlestiriletin bolady. Jergilikti jaýapty basshylar kelgen kómektiń esebin alyp, qıyn sátte qol ushyn sozǵan maqtaaraldyqtarǵa alǵystaryn bildirdi.
«О́tken jyly Maqtaaral aýdanynda sý tasqyny oryn alǵan kezde eń alǵash bolyp Jambyl oblysynan kómek kelgen bolatyn. Sonymen qatar barsha el-jurtymyz bizdiń aýdanǵa toqtaýsyz kómekterin jiberip otyrdy. Sondyqtan Jambyl oblysy Baızaq aýdanynda oryn alǵan jaǵdaı boıynsha úı-kúısiz qalǵan otandastarymyzdyń taǵdyry bizdi alańdatyp, gýmanıtarlyq kómekti alǵashqylardyń biri bolyp alyp kelýge sebepshi boldy», dedi «Jastar resýrstyq ortalyǵy» KMM dırektory Súndet Kenjebaev.
Júk kóligine negizinen, makaron ónimderi, maı, kúrish, qant, qaraqumyq, jeńil daıyndalatyn tamaq ónimderi, táttiler jáne mıneraldy sýsyndar tıeldi.
Aıta keteıik, gýmanıtarlyq kómekti uıymdastyrýda ótken jyly sý tasqynynan zardap shekken О́rgebas, Ferdaýsı aýylynyń turǵyndary jáne aýdannyń kásipkerleri belsendilik tanytty.
