Onlaın ótken baspasóz jıynynda Pavlodar oblystyq balalar juqpaly aýrýlar aýrýhanasy dırektorynyń ınfeksııalyq stasıonar jónindegi orynbasary Zere Sadaqova qazirgi ýaqytta KVI juqtyrǵan 56 bala aýrýhanada jatqanyn aıtty.
«Balalardyń kóbi - 6 jastan asqandar. 6 jasqa deıingi 20 bala bar. 2 bala jansaqtaý bólimine jatqyzylǵan. Olardyń biri - 15 jastaǵy bala. Ol júıkelik sındrom boıynsha burynnan esepte turǵan, basqa aýrýy bar. Aýrýhanaǵa 26 tamyzda túsken bolatyn. Búgin negizgi bólimge aýystyrylýda», dedi Zere Sadaqova.
Spıkerdiń aıtýynsha, jansaqtaý bólimindegi ekinshi bala - 1 jasta. Náreste 18 kúnnen beri reanımasııada jatyr.
«Kishkentaı balada koronavırýstyq pnevmonııa bolǵan. О́kpesiniń 36 paıyzy zaqymdanǵan. Jaǵdaıy jaqsaryp kele jatqan bolatyn. Biraq sońǵy 2 kúnde nasharlaýda. Ol kókirekaralyqqa aýa jıylýyna baılanysty. Bundaı jaǵdaı sırek kezdesedi. Bala ókpeni jasandy jeldetý apparatyna qosylǵan. Tolyq kólemde emdeý qabyldaýda», dedi Zere Sadaqova.
Aıta keteıik, búginde Pavlodar oblysynda KVI anyqtalǵan barlyǵy 144 bala em qabyldaýda. Sondaı-aq koronavırýs juqtyrǵan 32 júkti áıel aýrýhanada jatyr. 6 áıel aýyr jaǵdaıda.
