Bul týraly KTK telearnasy málimdedi.
Áıel medısınalyq ortalyq qyzmetkerleri qońyraý shalyp qoımaǵasyn sol jaqqa barǵanyn aıtady. Ondaǵylar keıbir qyzmet túrleri tegin dep qyzyqtyrǵan.
Oń jambasy ońbaı kúıip qalǵan Maǵzýma Qazbekova sol kúndi qorqynyshpen eske alady. Orta jastaǵy áıel medısınalyq ortalyq qyzmetkerleri qońyraý shalyp qoımaǵasyn sol jaqqa barǵanyn aıtady. Ondaǵylar keıbir qyzmet túrleri tegin dep qyzyqtyrypty. Sońynda aqshasy joqtyǵyn aıtqan klıentti 300 myń teńgege jýyq kredıt rásimdeýge kóndirgen. Zardap shekken áıel birinshi kúni emdik sharalar oıdaǵydaı ótti deıdi. Alaıda ertesine arqasyna banki qoıyp, otty massaj jasaǵanda órtenip kete jazdadym dep muń shaǵady.
«Bári eki-úsh sekýnd ishinde boldy. Ysyp ketti me dep edim, ana bala astymdaǵy tósek jaımany basyp jiberdi. Men "Oıbaı!" dep, julmalaı bastadym. Artymdaǵy bankilerdi ıterip-ıterip tastady. Massaj alýǵa kelgenmin. Endi, mine, denem kúıip qaldy», deıdi Qazbekova.
Oǵan alǵashqy kómek durys kórsetilmedi. Jalma-jan tanys zańgerin shaqyrǵan ol úıine óz kúshimen áreń jetipti. Keıin anyqtalǵandaı, massaj jasaıtyn maman spırt tógip alyp, sonyń kesirinen ot tutanǵan. Al medısınalyq ortalyq mamandary keshirim suraǵan da joq.
«Basynda maman búkil shyǵynyńyzda moınyma alamyn dep aıtty. Endi bári bitkennen keıin shamam kelmeıdi deıdi», dep atap kórsetti zardap shekken áıel.
Medısınalyq ortalyq basshylyǵy qyzmetkerlerdiń qateligin kesh estidik dep aqtalǵannan basqa mardymdy jaýap qatpaǵan kórinedi. Al sol kúngi soraqylyqqa kýá bolǵan zańger adamgershilikten attaǵan klınıkanyń kemshiligin kelisimsharttan kórip otyr.
«Kelisimshartta medısınalyq ortalyq óziniń ǵana paıdasyn oılap jazǵan», deıdi zańger Almas Kúngeıbaev.
Al ortalyq ókilderi isine salǵyrt qaraǵan qyzmetkerdiń jumystan ýaqytsha shettetilgenin aıtady. Shyǵyndy óteýge ázirmiz dep aqtalǵandar kelispeýshilik klıenttiń ózine baılanysty deıdi.
«Klıentimiz kúıik alǵan. Ony moıyndaımyz. Keshirim suraımyz. Moraldyq-materıaldyq shyǵynyn óteýge tolyǵymen daıynbyz. Bizdiń klıent resmı túrde bizge habarlasqan joq», dedi «Venus medikal kz» JShS resmı ókili Rýslan Muqanov.
Medısınalyq ortalyqtan kóńili qalǵan Maǵzýma Qazbekova polısııaǵa aryzdanypty. Moraldyq jáne materıaldyq shyǵyndy ótep berýdi talap etken áıel barlyǵyn sot arqyly sheshpek.
