ÚSh SOǴYSTYŃ JAÝYNGERI

Uly Otan soǵysynyń Jeńis kúni jaqyndaǵanda eń aldymen sol jeńisti ákelgen azamattar eske túsedi. Solardyń arasynda úsh soǵysqa qatysyp, Otan úshin naǵyz surapyl shaıqastardy basynan ótkergen Dáýletııar Qadyrjanov ta bar edi. Ol 1939 jyly Keńes armııasy qataryna alynyp, №630-shi atqyshtar polki quramynda aldymen Fın soǵysyna qatysady. Odan keıin ile-shala 1941 jyly Uly Otan soǵysy bastalyp ketedi. Bul kezde ol Qyzyl Týly Kýtýzov ordendi brıgadanyń quramynda bolǵan jalǵyz qazaq kórinedi. Sonan ol surapyl soǵys aıaqtala bergen shaqta 1945 jyly Japon ımperıalısterine qarsy kúreske attanady. Soǵys jyldarynda únemi alǵy shepte saperlik mindet at­qaryp, úzilgen baılanysty jalǵaý­men jáne “til” ákelýmen aınalys­qan ol 1946 jyly elge aman-saý, abyroımen oralady. Sóıtip, úsh surapyl soǵystyń qandy maıdanyn kórgen Dáýkeń elge kelip, eńbek maıdanyna aralasady. Atyraý oblysynyń Maqat aýdanynda munaı óndirisinde operator, keıin ýchaske sheberi bolyp 1971 jyly qurmetti zeınet­kerlikke shyǵady. Eki márte Qyzyl Juldyz, I dárejeli Otan soǵysy ordenderimen, “Jaýynger­lik erligi úshin” jáne t.b. medaldarmen marapattalǵan. Dáýkeń Jandaı zaıybymen 45 jyl tatý-tátti ómir keshti, on balany ómirge ákeldi. Áli de tyndyrary kóp edi, soǵys salǵan jaraqat erte alyp ketti. Biraq búgingideı Jeńis kúnderi úsh soǵys maıdanynyń kýágeri, ardager Dáýletııar Qadyrjanovtyń erligi umytylmaı, qaıta rýhtary asqaq­taı túsetini anyq. Marııam DÁÝLETIIаR, ASTANA.