«Jádigerler qazirgi Irakta ornalasqan arheologııalyq mekenderden tabylǵan. Mesopotamııadan urlanǵan eskertkishter álemdik mádenı qundylyqtar sanatyna enedi», delingen polısııa taratqan málimdemede.
Zattar Norvegııanyń ońtústik -shyǵysyndaǵy kollektordyń úıin tintý kezinde tárkilendi. Bılik endi olardyń túpnusqalyǵyn anyqtamaq. Irak bıligi Norvegııanyń Mádenıet mınıstrligine ótinish jasap, jádigerlerdi qaıtarýdy suraǵan.
«Qaıtarý prosedýrasy bastaldy. Biraq aldymen bul obektilerdiń shyǵý tegi men túpnusqalyǵyn anyqtaý úshin saraptamalyq tekserý júrgizilýi kerek. Al Irak bıligi ótinishin resmı túrde berýi tıis», deıdi prokýror Marııa Bache Dal.
Polısııa bul zattardyń Eýropaǵa qalaı kelgenin, qashan jetkizilgenin aıtqan joq.
