Bul týraly Reuters agenttigi málimdedi.
Qozǵalys ókilderi Masýd olardyń beıbitshilik týraly usynysynan bas tartqannan keıin, budan bylaı olarmen sóılesetin eshnárse joq ekenin aıtty.
«Biz Aýǵanstandy biriktirgimiz keledi, biraq olardyń avtonomdy usynystarymen ortaq eshnársemiz joq. Ahmad Masýd usynysymyzdan bas tartqannan keıin, endi olarmen kelisimge keletin eshteńe joq dep sheshtik», delingen habarlamada.
Osyǵan deıin Ahmad Masýd kelissózder arqyly soǵys qımyldaryn toqtatý týraly usynysty quptaıtynyn aıtty.
«Ulttyq qarsylasý maıdany turaqty beıbitshilikke qol jetkizý úshin, tálipter Panjsher men Andarabtaǵy shabýyldary men soǵystaryn toqtatsa, kúresti toqtatýǵa daıyn», delingen Masýdtyń Facebook-tegi jazbasynda.
Buǵan deıin Masýdtyń jaqtastary Panjsherde tálipterdiń jeńilgenin habarlaǵan bolatyn.
Qazirgi ýaqytta Panjsher Aýǵanstandaǵy «Talıban» qozǵalysynyń baqylaýynda emes jalǵyz provınsııa bolyp qala beredi. Provınsııa Kabýldyń soltústik-shyǵysynda bıik taýly aımaqta ornalasqan. Qazir tálepterge qarsy Soltústik Alıansty basqarǵan jáne 2001 jylǵy qyrkúıektiń basynda lańkester óltirgen Ahmad Shah Masýdtyń uly Ahmad Masýd bastaǵan jergilikti qarsylasý bólimshelerimen shaıqastar júrip jatyr.
