«Dıplommen – aýylǵa!» jobasy aıasynda aýylǵa attanǵan jastardyń qatary jyl sanap artyp keledi. О́ıtkeni, memleket tarapynan aýylǵa baryp jumys isteýge nıet bildirgen densaýlyq saqtaý, bilim berý, áleýmettik qamsyzdandyrý, mádenıet jáne sport mamandaryn áleýmettik qoldaý sharalary qarastyrylǵan. Bul joba jumys izdegen jastarǵa da, aýyldyq jerdegi kadr tapshylyǵyn jolǵa qoıýdy oılastyrǵan basshylar úshin de tıimdi boldy.
«Dıplommen – aýylǵa!» jobasy aıasynda aýylǵa attanǵan jastardyń qatary jyl sanap artyp keledi. О́ıtkeni, memleket tarapynan aýylǵa baryp jumys isteýge nıet bildirgen densaýlyq saqtaý, bilim berý, áleýmettik qamsyzdandyrý, mádenıet jáne sport mamandaryn áleýmettik qoldaý sharalary qarastyrylǵan. Bul joba jumys izdegen jastarǵa da, aýyldyq jerdegi kadr tapshylyǵyn jolǵa qoıýdy oılastyrǵan basshylar úshin de tıimdi boldy.
Mysaly, Moıynqum aýylyna kelip, aýdandyq ortalyq aýrýhanada qyzmet ete bastaǵan jas dárigerler Ǵabıt Isabekov pen Bekbolat Keńesbaev búginde aımaq turǵyndarynyń qurmetine bólenýde. Almatydaǵy S.Asfendııarov atyndaǵy Qazaq Ulttyq medısına ýnıversıtetin bitirip kelgen Ǵ.Isabekovtiń mamandyǵy – hırýrg-dáriger bolsa, B.Keńesbaev – ımmýnolog-dáriger. «Aýylda laq týsa, adyrda shóp kógeredi» degen, olarǵa aýylda tıisinshe áleýmettik-materıaldyq jaǵdaı da jasalǵan. Bilimdi jastar el ishine kelgeli aýyl mádenıeti men ajary da ashyla túsken.
– Alystaǵy aýylǵa kelip qyzmet etip jatqanymyzǵa ókinbeımiz. Munda bizdiń qyzmet etýimizge, ómir súrýimizge barlyq jaǵdaı jasalǵan. Endi tek halyqqa qaltqysyz qyzmet kórsetip, olardyń ómir jastarynyń uzaq bolýyna kómektesýden basqa alańdaıtyn másele qalǵan joq.
О́tken jyly oblystyq densaýlyq saqtaý basqarmasyna ótinishpen kelgen 126 jas maman búginde óńirdiń túkpir-túkpirinde eńbek etýde. Olardyń 73-i aýyldyq eldi mekenderge, 53-i qala aımaǵyna jumysqa ornalastyryldy. Mysaly, olardyń ishinde Jýaly aýdanyna – 15, Qordaı aýdanyna –13, Shý aýdanyna – 9, Talas aýdanyna – 7 jáne Jambyl aýdanyna – 7 jas maman baryp, adamdardyń janyna shıpa syılap júr. Áleýmettik kómek retinde 23 mamanǵa respýblıkalyq bıýdjetten – 2 786 910 teńge, 53 mamanǵa oblystyq bıýdjetten – 1 610 000 teńge qarjy bólingen.
Kósemáli SÁTTIBAIULY,
«Egemen Qazaqstan».
Jambyl oblysy.
