Foto: iStock
«Memleket basshysynyń ınflıasııany 2022 jyly 4-6% nysanaly dálizge qaıtarý jónindegi tapsyrmasyn oryndaý maqsatynda Ulttyq Bank, birinshi kezekte, Inflıasııaǵa qarsy den qoıý sharalarynyń kesheni sheńberinde monetarlyq emes faktorlardy turaqtandyrýǵa baǵyttalǵan sharalardy qabyldaýdy qoldaıdy», dedi Dosaev.
Ulttyq bank tóraǵasynyń aıtýynsha, bıylǵy jylǵy 8 aıdyń qorytyndysy boıynsha 11,4% deńgeıine jetken azyq-túlik baǵasynyń ósýi ınflıasııany jedeldetýge negiz bolǵan. «Ony osy jyldyń sońyna qaraı 8%-ǵa deıin tómendetý úshin sharalar keshenine sáıkes Úkimet pen ákimder retteýshilik sıpattaǵy jáne monopolııaǵa qarsy yqpal etýdiń tıimdi ýaqytsha sharalaryn negizge ala otyryp, jekelegen naryqtardaǵy maýsymdyq kútpegen ózgerister men teńgerimsizdikterdi joıý boıynsha jedel sharalar qabyldaıtyn bolady», deıdi Tóraǵa.
Úkimet osy maqsatta taýar óndirisi, eksporty men ımporty balansyn qatań saqtaı otyryp, ishki naryqty jan-jaqty tolyqtyrý, agroónerkásiptik keshenniń ónimdiligin arttyrý jáne tıimdi taýar ótkizý júıesin damytý jónindegi birqatar shara qabyldaıdy. Bul, josparǵa sáıkes, azyq-túlik ınflıasııasyn 2022 jyly
6%-ǵa deıin jáne 2023-2024 jyldary 5%-ǵa deıin tómendetýi kerek. Al azyq-túlikke jatpaıtyn ınflıasııa 2022 jyly 5%-ǵa deıin jáne 2023-2024 jyldary 4%-ǵa deıin tómendeýge tıis.
«Retteletin qyzmetter úshin orta merzimdi negizde boljamdy jáne teńgerimdi tarıftik saıasatty engizý aıryqsha mańyzdy. 2023 jyldan bastap baǵany ákimshilik retteýden halyqtyń áleýmettik osal toptaryna ataýly kómek kórsetýge aýysýdy bastaý oryndy dep esepteımiz. Bul servıstik ınflıasııany 2022-2024 jyldary 4% deńgeıinde turaqtandyrýǵa múmkindik beredi», dedi Dosaev.
