Alǵashqy oıynda jerlesterimiz Iýgorskiniń «Gazprom-Iýgra» klýbyna 0:2 esebimen ese jiberdi. Kelesi kezdesýde Reseı quramasynan jeńildi – 4:7. Sońǵy matchty aıtýly memleketterdiń ulttyq quramalary qaıta kúsh synasty. Bul joly teń esep tirkeldi.
«Qatarynan eki kezdesýde jeńildik eken dep jankúıerlerdiń jigeri jasymasyn. Osyndaı mańyzdy jarys qarsańynda biz ádeıi myqty komandalardy tańdadyq. Bir jaǵynan ózimizdiń múmkindigimizdi shamalap, ekinshi jaǵynan Reseıdiń qandaı daıarlyqpen attanyp bara jatqanyn baıqadyq. Al álem chempıonatynda biz barynsha nátıjeli óner kórsetý úshin barymyzdy salamyz», – deıdi Qazaqstan quramasynyń bas bapkeri Kaka.
Esterińizge sala keteıik, álemdik doda 12 qyrkúıek pen 3 qazan aralyǵynda Lıtvada ótedi. Qazaqstannyń fýtzalshylary jarys qojaıyndary, Kosta-Rıka jáne Venesýelamen bir topqa tústi.
