Energyprom jazýynsha, Qazaqstanda damý qarqyny halyqtyń ósý qarqynynan birneshe ese joǵary. Máselen, osy jyldyń jeti aıynyń qorytyndysy boıynsha qazirdiń ózinde 7,7 mıllıon sharshy metr paıdalanýǵa berildi. Bul bir jyl burynǵy kórsetkishten 10,3% kóp. Bul rette jalpy kólemniń tórtten úsh bóligi qalada paıdalanýǵa berildi. Bıyl elimizde 17 mln sharshy metr turǵyn úıdi paıdalanýǵa berý josparlanǵan. Jospar oryndalsa, jańa rekordtyq kórsetkish bolady. Salystyrý úshin: 2020 jyly 15,3 mıllıon sharshy metr tapsyryldy.
Bul rette Qazaqstandaǵy halyq sanynyń ósimi jyl saıyn shamamen 1,3% quraıdy. Aǵymdaǵy jyldyń 1 shildesindegi jaǵdaı boıynsha Qazaqstan Respýblıkasynda 19 mıllıon adam bar. Qala halqynyń ósimi 2% qurap, 11,3 mln adamǵa jetti. Bul el turǵyndarynyń 59,2%-yn quraıdy.
Memlekettik baǵdarlama aıasyndaǵy qoljetimdi ıpotekalyq nesıe turǵyn úı qurylysy salasyndaǵy qarqyndy ósimge sebep boldy. Jyl basynan beri 7 aıda «Otbasy» banki jańa baspana satyp alý úshin 183,9 mlrd teńgege 14,4 myń nesıe berdi.
BUU Ekonomıkalyq jáne áleýmettik máseleler departamenti 2050 jylǵa qaraı Qazaqstanda ýrbanızasııa deńgeıi 69,1 paıyzǵa jetedi dep boljap otyr. Iаǵnı, elimizdiń 10 turǵynynyń 7-eýi qalada turatyn bolady.
