«Koronavırýs pandemııasy shaǵyn jáne orta bıznestiń jumysyna áser etti. Memleket ShOB-qa jedel jáne aýqymdy qoldaý kórsetti. Bul úshin birqatar baǵdarlama bar: «Bıznestiń jol kartasy 2025», «Qarapaıym zattar ekonomıkasy», «Jumyspen qamtýdyń jol kartasy», «Jergilikti qamtý úlesi», «Eńbek», jeńildikti qarjylandyrý boıynsha jáne t.b.
Memleket basshysy halyqqa Joldaýynda ShOB-ty qoldaý baǵdarlamalarynyń tıimdiligin, «Qarapaıym zattar ekonomıkasy» jáne «Bıznestiń jol kartasy» baǵdarlamalarynyń 2022 jylǵa da uzartylǵanyn atap ótti.
Mysaly, «Bıznestiń jol kartasy-2025» boıynsha ótken jyldan bastap paıyzdyq mólsherleme 6%-ǵa deıin tómendetildi, soma 7 mlrd teńgege deıin ulǵaıdy, salalyq shekteýler alynyp tastaldy, shaǵyn bızneske mıkrokredıt berý boıynsha jańa baǵyt engizildi. Bıyl óńdeý ónerkásibi, medısına, bilim berý, qurylys, kólik jáne t.b. salalarda 1 myń 100-den asa joba sýbsıdııalandy.
«Qarapaıym zattar ekonomıkasy» baǵdarlamasyn júzege asyrý úshin kásipkerler palatasy janynda aımaqtyq jobalyq keńse jumys isteıdi. Iske asyrý sátinen bastap 55 mlrd teńge somasyna 40 joba qoldaý tapty. Osy jyly, mysaly, qurylys materıaldary, medısınalyq maskalar óndirisi, mektepter, medısınalyq ortalyqtar qurylysy jáne t.b. baǵytqa qoldaý kórsetildi.
«Jumyspen qamtýdyń jol kartasy» baǵdarlamasy boıynsha júzdegen turaqty jumys ornyn qurýǵa múmkindik beretin taǵy 14 joba qoldaý tapty. Joǵaryda kórsetilgen baǵdarlamalar ShOB ókilderine aıtarlyqtaı qoldaý kórsetýge, jobalardyń qýatyn jáne otandyq óndiris ónimderin shyǵarý úlesin ulǵaıtýǵa, jumys oryndaryn qurýǵa jáne t.b. múmkindik beredi», dep jazdy elorda ákimi.
