Qoǵam • 07 Qyrkúıek, 2021

Radıkaldy kózqarastaǵy áıelderdiń kóbi raıynan qaıtty

39 ret kórsetildi

Búgin Ortalyq kommýnıkasııalar qyzmeti alańynda QR AQDM Din isteri komıtetiniń tóraǵasy Erjan Núkejanovtyń «Din salasyndaǵy jalpy jaǵdaı týraly» taqyrybynda brıfıngi ótti, dep jazady Egemen.kz.

Brıfıng barysynda E.Núkejanov birinshi jartyjyldyqta elimizdegi dinı ahýaldy qamtamasyz etý jumystarynyń nátıjeleri men Komıtettiń aldynda turǵan mindetteri týraly málimdedi.

Komıtet tóraǵasy sońǵy júrgizilgen áleýmettik zertteýlerdiń qorytyndysy boıynsha din salasynda júrgizilip otyrǵan memlekettik saıasatty qoldaýdyń úlesi 87,6%-ǵa jetip otyrǵandyǵyn atap ótti.

«Komıtet pandemııa kezinde ınternet keńistikte dinı ekstremızmniń aldyn alý boıynsha jumystardy kúsheıtýge erekshe nazar aýdaryp otyr. Aǵymdaǵy jyldyń birinshi jartyjyldyǵynda aqparattyq keńistikte 62 myńnan astam materıal ázirlenip, jarııalandy. Bul ótken jylmen salystyrǵanda eki ese kóp nátıje.

Sonymen qatar jergilikti atqarýshy organdarmen júrgizilgen keshendi jumystardyń nátıjesinde 84 myńnan astam adam áleýmettik jelilerdegi radıkaldy nasıhat kózderinen shyǵarylǵan», dedi komıtet tóraǵasy.

«Jýsan» gýmanıtarlyq operasııasy aıasynda terrorıstik belsendi aımaqtardan oralǵan áıelderdiń 96%-y radıkaldy kózqarastarynan bas tartyp, qoǵamǵa beıimdelýi de vedomstvonyń atqarǵan júıeli jumystarynyń biri bolyp otyr.

Sondaı-aq E.Núkejanov Dinı qyzmet salasyndaǵy zańnamany jetildirý jónindegi jumystarǵa toqtaldy. Aldaǵy ýaqytta Komıtet tarapynan dinı birlestikterdi tirkeý jáne dinı rásimderdi ótkizý máselelerin ońtaılandyrýdy kózdeıtin túzetýler engizý josparlanýda.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar