Orta mektep muǵalimderine suranys artyp keledi

Shildemen salystyrǵanda túıindemeler sany 20%-ǵa, al bos oryndar týraly habarlandyrý sany 38%-ǵa artty. Jańa oqý jyly qarsańynda Almaty (+130%), Jambyl (+142%) jáne Mańǵystaý (101%) oblystarynda joǵary bilikti mamandarǵa, ásirese orta mektep muǵalimderine suranys aıtarlyqtaı ósken.

Tamyz aıynda kásibı mamandar arasynda belsendiliktiń artýy baıqaldy. Máselen, ótken aımen salystyrǵanda bos oryndar sany 135%-ǵa (+16,7 myń birlik), al túıindeme 71%-ǵa (+21,2 myń) artty. Sonymen qatar, bul top arasynda eń kóp suranysqa ıe shet tilderi (+1,8 myń), orys tili men ádebıeti (+1,7 myń), sondaı-aq bastaýysh synyptar men matematıka (+1,2 myń) muǵalimderi boldy.

Sonymen qatar, izdenýshiler arasynda orta mektep, onyń ishinde shet tili (+1,4 myń), bastaýysh synyp (+844), dene shynyqtyrý (+810) jáne qazaq tili (+725) muǵalimderiniń túıindemeleri sanynyń ósýi baıqalady.

«О́tken aıda usynys belgili bir mamandarǵaa degen suranysty ishinara qanaǵattandyrdy. Sonymen qatar osy salada keıbir mamandardyń tapshylyǵy jáne artylýy qalyptasty. Mysaly, jumys izdep júrgen dene shynyqtyrý jáne sport muǵalimderi talap etilgennen kóp boldy – 1269 túıindemege 805 bos jumys orny. Al  qazaq tili men ádebıeti muǵalimderi úshin 788 vakansııa ashysa, túıyndeme sany - 1180», dep atap ótti QR Eńbekmıni «Eńbek resýrstaryn damytý ortalyǵy» AQ Basqarýshy dırektory Aleksandra Molchanovskaıa.

Eńbek bırjasyndaǵy túıindemeler men bos jumys oryndarynyń sanyn salystyrý qyzmet kórsetý jáne satý salasynda qyzmetker tapshylyǵy bar ekenin kórsetti. Mysaly, tamyz aıynda kúzetshiler, satýshy konsýltanttar,  kassırler, aspazdar, sondaı-aq tárbıeshilerdiń kómekshisi kóbirek suranysqa ıe boldy.

«Tamyz aıynda Ulttyq halyq sanaǵyna baınalysty saýalnama júrgizýshiler eń kóp suranysqa ıe boldy: 2560 bos orynǵa tek 8 túıindeme usynyldy», dedi Aleksandra Molchanovskaıa.

Jalpy, biliktilik toptary turǵysynan alǵanda, aldaǵy egin jınaýǵa baılanysty aýyl sharýashylyǵy jumystarynyń qyzýyna qaramastan, fermerler men aýyl sharýashylyǵynyń ózge de jumyskerleri arasynda qyzmetker jaldaý 17%-ǵa, sondaı-aq óndiristegi operatorlar arasynda (-1%) qysqardy. Bul rette biliktiligi joq jumys eńbegine degen suranys aldyńǵy aılardaǵydaı barlyq jarııalanǵan bos oryndardyń tórtten bir bóligin quraıdy, olardyń arasynda bos jumys oryndarynyń, atap aıtqanda, qosalqy jumysshylar úshin (+2,1 myń adam) aıtarlyqtaı ósýi baıqalady. Bul rette bos jumys oryndarynyń sany eń kóp Qyzylorda (+142%), Batys Qazaqstan (+81%) jáne Almaty oblystarynda (+76%) ósti.