Baıqaý barysynda qazaq, orys jáne aǵylshyn tilderinde 50-den astam maqala usynyldy.
«Barlyq maqala BUU komıssııasynyń muqııat irikteýinen ótti. Baǵalaý ońaı bolǵan joq: bizge klımattyń ózgerýi, bıoártúrlilik jáne ekojúıeni saqtaý máseleleri týraly oı salarlyq kóptegen maqala tústi. Olardy kreatıv, zertteý deńgeıi jáne memlekettik qyzmetkerlerdiń, bıznestiń jáne, eń bastysy, adamdardyń nazaryn klımattyń ózgerýine buryp, járdemdesýge qanshalyqty shabyttandyratynyna qaradyq», dedi Qazaqstandaǵy BUU Turaqty úılestirýshisi Mıkaela Frıberg-Storı.
BUU konkýrstyq komıssııasy úsh jumysty úzdik dep tanyp, aqshalaı syıaqy berdi. Atap aıtqanda:
- I oryn - Janna Shaıahmetova, The Astana Times, (Glazgo Klımattyq sammıtine sapar, quny 1 mıllıon teńge vaýcher);
- II oryn - Zýlfııa Raısova, CABAR Asia (550 000 teńge somasynda vaýcher);
- III oryn - Dýlat Tólepov, Elorda Aqparat (350 000 teńge somasynda vaýcher).
Sonymen qatar, baıqaýǵa qatysqan 12 jýrnalıst Qazaqstandaǵy BUU atynan sertıfıkattar men yntalandyrý syılyqtaryna ıe boldy.
