Memlekettik qyzmet kórsetý merzimine qatysty birqatar ózgertýler engizildi.
«Memlekettik qyzmet kórsetý merzimi ótinish kelip túsken sátten bastap úsh jumys kúnin quraıdy, al notarıaldy kýálandyrylmaǵan mámile boıynsha memlekettik tirkelgen jaǵdaıda memlekettik qyzmet kórsetiletin qyzmetti berýshige ótinish kelip túsken sátten bastap bir jumys kúni ishinde kórsetiledi», delingen qujatta.
Elektrondyq tirkeý quqyqtyq kadastrdyń aqparattyq júıesine jyljymaıtyn múlikke quqyqtardy memlekettik tirkeý úshin aqy tólengeni nemese aqy tóleýden bosatylǵany týraly rastaý kelip túsken kúnnen keıingi bir jumys kúninen keshiktirilmeı júrgiziledi.
«Bul rette elektrondyq tirkeý quqyqtyq kadastrdyń aqparattyq júıesine jyljymaıtyn múlikke quqyqtardy memlekettik tirkegeni úshin aqy tólengeni nemese aqy tóleýden bosatylǵany týraly rastaý kelip túsken kezden bastap eki saǵat ishinde jedeldetilgen tártippen júrgiziledi», dep jazylǵan tolyqtyrýda.
Aýyrtpalyqtardyń, sondaı-aq zańdyq talaptardyń toqtatylýyn memlekettik tirkeý tirkeýshi organǵa ótinish kelip túsken kezden bastap bir jumys kúni ishinde júrgiziledi.
Qujattardy qabyldaý kúni memlekettik qyzmet kórsetý merzimine kirmeıdi.
Buıryq 2021 jylǵy 17 qyrkúıekten bastap qoldanysqa engiziledi.
