«Taýarlardy tolyqqandy rejımde qadaǵalap otyrýdyń ulttyq júıeni iske qosý josparlanýda. Sıfrlyq salyqtyq ákimshilendirýde «Elektrondyq shot-faktýralar» aqparattyq júıesin engizý tıimdirek sanalady. Onda taýarlarǵa qujattamalyq qadaǵalaý júrgiziledi. Táýekelderdi basqarý júıesin paıdalaný arqyly salyq tóleýshilerdi sanattaımyz. Tekserý josparlaryn qalyptastyramyz, kameraldyq baqylaý úshin salyqtyq jáne kedendik baqylaýdy anyqtaımyz. Sondaı-aq, aýqymdy derekterdi taldaý jáne zııatkerlik taldaý jolymen bir kúndik fırmalardy anyqtaı otyryp, ondaı fırmalardyń shot-faktýralaryn jazyp berýin buǵattaımyz», dedi ol Ortalyq kommýnıkasııalar qyzmetindegi baspasóz máslıhatynda.
Tekserýler túrinde bızneske ákimshilik júkteme tómendetiledi. Iаǵnı, buzýshylyqtar qashyqtyqtan anyqtalyp, habarlamalar naqty joldanady. Bıyl 40 myńnan astam elektrondyq habarlama joldandy. Sonyń nátıjesinde qosymsha 132 mlrd teńgeden astam salyq esepteldi.
«Halyqaralyq tájirıbeni eskere otyryp, komıtette Elektrondyq deklarasııalaý ortalyǵy men Ahýaldyq ortalyǵy jumys isteıdi. Olardyń jumysynda kontrabandalyq shemalar esebinen bıýdjetke tolyq túspeý táýekelderin barynsha azaıtýǵa múmkindik beretin elektrondy quraldar tıimdi iske qosylǵan», dedi Jaıdar Ińkárbaev.
