Bul joly da agrarlyq sala boıynsha jónge salýǵa tıis túıtkildi máselelerdi kórsetip berdi. Atap aıtqanda: aýyl sharýashylyǵyndaǵy jemshóp daıyndaıtyn jerlerdi keńeıtý, aýyl mańynda mal jaıatyn jaıylym jerlerdiń joqtyǵy, latıfýndısterdiń ıeligindegi ıgerýsiz jatqan jerlerdi shaǵyn fermerlik qojalyq ıelerine qaıtadan ádil jolmen bólip berý, sýbsıdııa máselesin jetildirý, t.b. mańyzdy máseleler boıynsha Úkimetke naqty tapsyrmalar berdi.
Aýyldarda qazirgi kezeńde eń tapshy mamandardyń biri – mal dárigerleri. Bul turǵyda da Joldaýda veterınarııa qyzmetin qazirgi zaman talabyna saı jetildirý kerektigine, veterınar mamandardyń jalaqysyn kóbeıtetindigine toqtalyp, osy salany reformalaý boıynsha naqty sharalar qabyldaýdy tapsyrdy. Aýyldy órkendetý – ulttyń mereıin kóterý. Otandyq sapaly azyq-túlik ónimderimen qamtamasyz etý – asa mańyzdy strategııalyq másele. Sondyqtan da Prezıdenttiń aýyl sharýashylyǵynyń damýyna basa nazar aýdarǵany oryndy dep esepteımin.
О́zim óner adamy bolǵandyqtan da mádenıet qyzmetkerleriniń, atap aıtqanda, kitaphanashy, mýzeı qyzmetkeri sekildi mamandardyń jalaqysy 2025 jylǵa deıin jyl saıyn 20 paıyzǵa kóteriletindigi kóńilge qýanysh uıalatty.
Ǵylymdy damytý – eldiń asa mańyzdy basymdyǵy ekendigin qadap aıtty. Ǵalym retinde ǵylym salasyn granttyq qarjylandyrý merzimin bes jylǵa uzartý máselesin de qýana quptaımyn.
Ult bolashaǵy – tárbıeli, bilimdi urpaq. Sondyqtan da Prezıdenttiń 2022-2025 jyldar aralyǵynda jańadan myń mektep salýdy tapsyrýyn – urpaq bolashaǵyna jasalǵan qamqorlyq dep túsinemin. Halyqaralyq olımpıada júldegerleri bolǵan oqýshylardy materıaldyq, rýhanı yntalandyrý, syıaqy taǵaıyndaý elimizdiń mereıin asqaqtatar daryndy balalardyń qataryn kóbeıte túsetini aqıqat. Ol úshin de Prezıdentke rahmet aıtamyz.
Memleketimiz qýatty, halqymyz yntymaqty, urpaqtarymyz bilimdi, bolashaǵymyz jarqyn bolsyn!
Amanjol ÁLTAI,
Qazaqstannyń eńbek sińirgen qaıratkeri
