Prezıdent • 09 Qyrkúıek, 2021

IT-naryqtyń aıaq alysy jaqsarady

115 ret kórsetildi

Búginde sıfrlandyrý salasynda básekelestik joǵary. Sondyqtan Qazaqstan úshin zamanaýı sıfrly tehnologııalardy engizý ári qoldaný óte mańyzdy. Bul úshin otandyq IT-sektordy damytý kerek. Prezıdenttiń bıylǵy Joldaýda buǵan erekshe mán berýi de tegin emes.

Dálirek aıtqanda, Memleket basshysy sıfrlandyrý týraly ulttyq joba aıasynda kem degende joǵary sanatty 100 myń IT-maman ázirleýdi tapsyrdy. Bul rette eksporttyq jáne sıfrly sala boıynsha taýar qyzmeti 2025 jylǵa qaraı kem degende 500 mln dollarǵa jetýi tıis. Prezıdent memlekettik sektordy sıfrlandyrýda osy jáne ózge de mindetterdi qaıta qarastyrýy qajet ekenin alǵa tartty.

100 myń IT-mamandy ázirleý qıyndyq týdyrmaıdy. Árıne, kadrlardy daıarlaý Bilim jáne ǵylym mınıstrliginiń quzy­retine jatady. Degenmen Sıfr­lyq damý, ınnovasııalar jáne aeroǵarysh ónerkásibi mınıstr­ligi de ıgi iske atsalysatyny anyq. Astana Hub tehnoparki de qalys qalmaq emes.

Máselen, Sıfrlyq damý mı­nıstri Baǵdat Mýsınniń tapsyrmasyna sáıkes bizdiń tehnopark­te Tech Orda jobasy júzege asy­ry­lýda. Bul – aqparattyq-kom­mý­nıkasııalyq tehnologııalar sala­syndaǵy adamı kapıtaldy damy­týǵa baǵyttalǵan baǵdar­lama. Baǵ­darlama stýdentterdiń IT-sa­lada bilim alýyna qarjy bóledi.

Aıtalyq, Bilim jáne ǵylym mı­nıstrligi joǵary oqý oryn­daryna grant bólse, biz qysqa mer­zimdi ýaqyt ishinde jeke­men­shik mektepterde IT-daǵdy­lardyń qalyptasýyna kúsh salamyz. Oqý 6 aıdan 2 jylǵa deıin­gi merzimdi quraıdy. Atal­ǵan baǵdarlama boıynsha bes jyldyń ishinde 20 myń zamanaýı IT-mamandy daıarlaý josparlanyp otyr.

Jalpy alǵanda, Qazaq­stan­daǵy IT-naryqtyń ekonomıkadaǵy úlesi asa joǵary emes. Degenmen sala durys baǵytta ári jedel túrde damyp keledi. 2018 jy­ly Astana Hub tehnoparki quryl­dy. Tehnopark IT-saladaǵy kom­panııalarǵa tolyqqandy qol­d­aý kórsetedi. Onyń ishinde sa­lyq­­tyq jeńildikter de bar. Bú­gin­de Astana Hub-qa 520 IT-kom­­pa­­­nııa tirkelgen. Úsh jyldyń ishin­­de olardyń taza tabysy 150 mlrd teńgeni qurady. Al 2020 jyl­­ǵy eksporttyq tabysy 14 mlrd teńgege teń.

Bul kórsetkishterdiń áli de ózgeretini anyq. О́ıtkeni bizdiń tarapymyzdan úlken jumys júrgizilip jatyr. Baǵdarlamalyq oqý kýrstary, bıznes-ınkýbatorlar, startaptardy akselerasııalaý óz jemisin beredi dep senemin. Sondaı-aq tehnoparktiń bazasynda Alem baǵdarlamalaýdyń ınno­vasııalyq mektebi jumys isteı­di. Ol álemge áıgili fransýz mek­tepteriniń modeline negizdelgen.

Bizdiń saladaǵy negizgi problema – adamı kapıtaldyń azdy­ǵy. Prezıdenttiń buǵan nazar aýdarýy óte oryndy. Qazaqstan IT-sa­lada iri tabystarǵa qol jet­kizýi úshin bilikti kadrlardyń sanyn kóbeıtýi kerek. Sondyqtan Pre­zı­denttiń bul bastamasyn tolyq qoldaımyz jáne onyń júzege asyrylýyna baryn­sha úles qosamyz. Ol úshin otan­dyq ma­man­dardy daıarlaýǵa basym­dyq bermekpiz. Onyń ishinde óńir­­­­lerdegi jumysty barynsha jan­­dandyrýǵa tıispiz. Bul – bir. Ekin­­shiden, sheteldik IT-maman­dar­dy tartqan abzal. Olar úshin biz­de jeńildetilgen vızalyq re­jim qa­ras­tyrylǵan. Onyń ústine shet­el­­dik startaptar 20 mln teń­ge kóle­mindegi qarjyny ala alady. Olar­ǵa bir ǵana shart qoıy­lyp otyr – Qazaqstanǵa qonys aýda­­rýy kerek. Qazirdiń ózinde Astana Hub-qa 50-ge jýyq shetel­dik ko­m­panııa tirkeldi. Demek, biz­diń naryq sheteldikter úshin tartymdy.

 

Maǵjan MÁDIEV,

Astana Hub tehnoparkiniń bas dırektory

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar