Aǵymdaǵy jylǵy 3 qyrkúıektegi jaǵdaı boıynsha Memlekettik eńbek ınspektorlary respýblıkanyń 706 kásipornynda 20,1 myń jumyskerdiń aldynda 4 mlrd 430 mln teńgeden astam somaǵa jalaqy boıynsha bereshekti anyqtady.
Osy kásiporyndardyń basshylaryna oryndalýy mindetti 886 nusqama berilip, 100,9 mln teńgeden astam somaǵa aıyppul salyndy.
Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 18,8 myńnan astam jumyskerdiń quqyqtary qorǵaldy. Olarǵa 4 mlrd 359,9 mln teńge tólendi.
