Qazaqstan • 10 Qyrkúıek, 2021

Mońǵolııada QR Prezıdentiniń Joldaýyna arnalǵan brıfıng ótti

56 ret kórsetildi

Qazaqstannyń Mońǵolııadaǵy Elshiliginde Prezıdent Qasym-Jomart Toqaevtyń 2021 jylǵy 1 qyrkúıektegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyna arnalǵan brıfıng ótti, dep jazady Egemen.kz.

Is-sharaǵa Mońǵolııanyń sarapshylary men BAQ ókilderi qatysty.

Brıfıngtiń basynda Elshi Jalǵas Ádilbaev Joldaýdyń negizgi tarmaqtary men Memleket basshysynyń pandemııadan keıingi kezeńde eldi odan ári damytýǵa, densaýlyq saqtaýdyń tıimdiligin arttyrýǵa, sapaly bilim berýdi qamtamasyz etýge, óńirlik saıasatty jetildirýge, eńbek naryǵynda tıimdi ekojúıeni qurýǵa, saıası jańǵyrýǵa, adam quqyqtaryn qorǵaýǵa jáne qoǵamnyń birigýine baǵyttalǵan bastamalaryna túsinikteme berdi.

Sonymen qatar, otandyq dıplomat Joldaýda Qazaqstan úshin paıda bolǵan jahandyq, ishki qaýipter, sondaı-aq syn-qaterlerdiń áserine tereń áleýmettik-ekonomıkalyq, ekologııalyq jáne saıası taldaý jasalǵanyn, olarǵa baǵa berilip, osy máselelerdi jeńýdiń joldary, naqty sharalary men mehanızmderi qamtylǵanyn atap ótti.

Joldaý mońǵol jýrnalısteri men sarapshylarynyń tarapynan qyzyǵýshylyq týdyrdy jáne olardyń pikirinshe atalǵan qujatta eń aldymen Qazaqstannyń pandemııadan keıingi kezeńdegi damý satylary naqtylanǵan.

Osyǵan qosa, J.Ádilbaev brıfıngke qatysýshylarǵa bıylǵy jyly Qazaqstan el táýelsizdiginiń 30 jyldyǵyn atap ótetinin jáne osy jyldar ishinde Qazaqstan ultaralyq kelisim men ıntegrasııa saıasatyn júrgizýge turaqty ekonomıkalyq ósýge umtylǵanyn habarlady.

Qazaqstannyń janjaldardyń aldyn alý, onyń ishinde terrorızm men ekstremızm sııaqty jańa synaqtarǵa qarsy turý úshin kópjaqty yntymaqtastyqqa belsendi túrde qatysatyny týraly aqparat berildi. Azııadaǵy ózara is-qımyl jáne senim sharalary jónindegi keńesti (AО́SShK) tolyqqandy halyqaralyq uıymǵa aınaldyrý jónindegi bastamasyna erekshe kóńil bólindi.

Budan basqa, Elshi Prezıdent Q.Toqaevtyń bastamasymen adam quqyǵyn qorǵaý jáne «halyq únine qulaq asatyn memleket» tujyrymdamasyna sáıkes damyǵan demokratııalyq qoǵam qurý boıynsha júrgizilip otyrǵan eldegi saıası reformalar týraly qysqasha aıtty.

Baspasóz brıfınginiń qorytyndysy boıynsha qazaqstandyq-mońǵol qarym-qatynastarynyń damýy týraly ınteraktıvti pikirler almasýǵa múmkindik boldy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar