Ispanııa bıligi Katalonııanyń 2017 jyly táýelsizdik alýǵa qatysty ótkizgen referendýmyn zańsyz dep taýyp, ony uıymdastyrǵan toǵyz katalondyqty túrmege japqan edi.
Sherýge qatysýshylardyń kópshiligi betperde kıgen. Polısııanyń habarlaýynsha, oǵan 108 myńǵa jýyq adam qatysqan. Nacional Catalana assambleıasynyń aıtýynsha, jınalǵandar sany 400 myńǵa jýyqtaǵan. Bul 2019 jylǵy sherýmen salystyrǵanda tómen. Ol kezde Barselona kóshelerine shamamen 600 000-ǵa jýyq adam shyqqan edi. Byltyr koronavırýs pandemııasyna baılanysty narazylyq aksııalary keń kólemde ótken joq.
Narazylyq Barselona men Madrıd arasyndaǵy shıelenis báseńdegende ótip otyr. Taıaýda Ispanııa men Katalonııa mámilege kelýge ynta tanytqan edi. Kelesi aptada taraptar Barselonada jınalyp, Katalonııanyń saıası qaqtyǵysy boıynsha kelissózder ótkizbek. Ispanııa premer-mınıstri Pedro Sanches kelisózge qatysatynyn ne qatyspaıtynyn áli rastaǵan joq.
