Beısenbi kúni senatorlar «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasyn qaraıdy.
Zań jobasy bizdiń elimizde múgedek adamdardyń quqyqtaryn qorǵaýdy qamtamasyz etý jáne ómir súrý sapasyn jaqsartý, memlekettik áleýmettik járdemaqylardyń mólsherin arttyrý, zeınetaqymen qamsyzdandyrý, halyqty jumyspen qamtý, áleýmettik saqtandyrý máselelerin jetildirý maqsatynda ázirlendi.
Osylaısha, zań jobasynda birinshi toptaǵy múgedekterge kútim jasaıtyn adamdarǵa eń tómengi kúnkóris deńgeıiniń 1,40 mólsherinde járdemaqy engizý kózdeledi, sondaı-aq erekshe qajettilikteri bar balalardyń barlyq toptary úshin járdemaqy mólsherin ulǵaıtý josparlanýda.
Zań jobasynda jumyssyzdardy eńbek bırjasynda tirkeý, jumyssyz mártebesin alý jáne tıisti járdemaqy alý rásimderin jeńildetetin normalar jazylǵan.
Bıýro otyrysy barysynda Palata otyrysynyń kún tártibine Senat depýtaty Serikbaı Trumovtyń ant berýi jáne onyń Senattyń turaqty komıtetiniń quramyna saılanýy týraly máseleni engizý usynyldy.
Budan basqa, Májilisten buryn kelip túsken «Kaspıı teńiziniń teńiz ortasyn qorǵaý jónindegi negizdemelik konvensııaǵa qorshaǵan ortaǵa transshekaralyq kontekste áser etýdi baǵalaý jónindegi hattamany ratıfıkasııalaý týraly» zań jobasy Bıýro otyrysynda Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý jónindegi komıtetine berildi.
