Qazaqstan • 13 Qyrkúıek, 2021

«31 arnaǵa» jańa dırektor taǵaıyndaldy

137 ret kórsetildi

Qurmanbek Jumaǵalı «31 arnanyń» jańa bas dırektory qyzmetine taǵaıyndaldy, dep habarlaıdy Egemen.kz.

«31 arna» Qurmanbek Jumaǵalıdiń bas dırektor qyzmetine taǵaıyndalǵanyn jarııalady.

«Jańa televızııalyq maýsymnyń bastalýymen «31 arnaǵa» Qurmanbek Jumaǵalı basshylyq etetin top-menedjerlerdiń jańa komandasy keledi. Bul sheshim arnanyń damýyna, atap aıtqanda, telekórermenniń ózgerip otyrǵan artyqshylyqtaryna jáne básekelestiktiń artýy jaǵdaıyndaǵy jańa syn-qaterlerge sáıkes arnadaǵy óz óndirisiniń kontentiniń sapasy men sanynyń ósýine jańa serpin beretinine senimdimin», dedi «Vernyı Kapıtal» kompanııalar tobynyń bas dırektory jáne «31 arna» Baqylaý keńesiniń múshesi Erlan Ospanov.

Bas dırektor laýazymynda Qurmanbek Jumaǵalı TV jáne ınternettegi aýdıtorııalyq kórsetkishterdi odan ári arttyrýǵa, Qazaqstandaǵy «31 arnanyń» naryqtyq úlesin ulǵaıtýǵa, jeke óndiris ónimderiniń jelisin keńeıtýge jáne jalpy bıznestiń tıimdiligin arttyrýǵa shoǵyrlanady.

«Elimizdiń eń tabysty jáne tanymal telearnalarynyń biri komandasynyń múshesi bolý men úshin úlken mártebe. Men telearnanyń elimizdegi alǵashqy otbasylyq oıyn-saýyq telearnasy mártebesin qaıtaryp alýdaǵy rólimdi kórip otyrmyn», dep atap ótti Qurmanbek Jumaǵalı.

Qurmanbek Jumaǵalı 1985 jyly 27 tamyzda dúnıege kelgen. «Jýrnalıstıka» mamandyǵy boıynsha Qazaq ulttyq pedagogıkalyq ýnıversıtetin bitirgen. Ár jyldary «Qazaqstan» telearnasynda redaktor, «Habar» agenttiginde redaktor-júrgizýshi, tilshi, Qaraǵandy oblysy ákimdiginde baspasóz qyzmetiniń basshysy qyzmetin atqaryp, «Qazaq radıosyn» basqarǵan.

Jańa qyzmetke deıin ol «Astana» telearnasynyń bas dırektory bolǵan.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar