Saıası jańǵyrý – qoǵam qoldaýyna zárý

О́tken ǵasyrdyń toqsanynshy jyldarynyń sońy men eki myńynshy jyldary saıası júıe­ni damytý qajettiligi túsinikti boldy. О́ıt­keni saıası reformanyń qarqyny eko­no­­mıkalyq ózgeristerdiń aýqymynan bir­sha­ma keıindep qaldy. Zańdylyq pen konstı­tý­sııa­lyq tártip saqtalmaǵan jerde demokratııany qurý múmkin bolmaıtyndyqtan jáne ol áleýmettik-ekonomıkalyq beı-bere­ket­tikke áke­letindikten azamattyq qoǵam ınstıtýttaryn qalyptastyrýdyń quqyqtyq ne­giz­derin qa­lyp­tastyrý qajettigi týyndady. Qor­dalanyp qalǵan problemalar túbegeıli ózge­risterdi talap etti. Alaıda bul kúrdeli úde­ris­terdi birden eńserý múmkin emes edi. Onyń ústine ol kezde oǵan qoǵam da daıyn bolmady. Endeshe, óki­nish­ke qaraı, bul mindetterdiń bar­lyǵy birdeı tolyqqandy sheshildi deýge kel­meıdi.

Prezıdent Q.Toqaev adam­zat­tyń aldynda turǵan jańa jáne tosyn talap-mindetterdi eskere otyryp, Qazaqstannyń strategııalyq baǵdarynyń basym mindeti re­tinde saıası jańǵyrýdy aıqyndap otyr. Qazirgi qaýip-qaterler eldiń búkil áleý­met­tik-ekonomıkalyq jáne qoǵamdyq-saıası júıesin jedeldetip modernızasııalaý min­de­tin sheshýdi qajet etýde. Bul jumystar saıası júıeni turaqtyraq etýge, onyń tepe-teńdigin qamtamasyz etip, jetildirýge baǵyt­talýda. Ol kúshter teńgerimi men bılik tar­maq­tarynyń jaýapkershiligin, azamattyq qoǵamnyń belsendiligin arttyrýdy kózdeıdi. Endeshe, demokratııalyq qaıta qurýlardy júrgizý barysynda irgeli qundylyqtar men qoǵamdyq mámilege kelý arqyly eldiń tu­raq­ty damýyna baǵyttalǵan sheshýshi qa­dam­dar jasalýy kerek.

Prezıdenttiń sońǵy eki jylda qolǵa alyp, zańdastyryp, iske asyryp jatqan eleýli qoǵamdyq-saıası ózgeristerin aýmaly-tókpeli jańa dáýirdiń talaptaryna bergen naqty jaýaby deýge bolady. Olar elimizdiń saıası júıesi áleýetiniń sapalyq negizin kúsheıtip, turǵyndardyń memleket basqarý isine aralasýyn yntalandyrmaq. Al ol qazaqstandyq qoǵamdaǵy saıası úderisterdiń ashyqtyǵyn jáne onyń básekelestigin arttyra túsedi. Nátıjesinde, memlekettiń tıimdiligi artady. Eń bastysy, myqty, ádil ári ozyq memleket qurýǵa baǵyttalǵan ózgerister Qazaqstannyń ózine tán erekshelikterin eskere otyryp, evolıýsııalyq jolmen iske asyrylmaq. Sonymen birge Memleket basshysynyń memleketti basqarýdaǵy saıası kózqarastary men ózindik qoltańbasyna keshendilik, birizdilik, júıelilik pen naqtylyq tán. Onyń aıǵaǵy retinde aýyl ákimderiniń saılaýynan keıin, ıaǵnı 2024 jyly aýdan ákimderiniń tikeleı saılaýyn ótkizý týraly sheshimdi atap ótken jón. Túptep kelgende, bul batyl qadamdardyń azamattyq mádenıetti damytý men aýyl turǵyndarynyń áleýmettik belsendiligin arttyrýǵa tikeleı yqpal etip, jergilikti ózin-ózi basqarý júıesin nyǵaıtary sózsiz.

Prezıdenttiń Joldaýyndaǵy aýyldyq jer­degi azamattyq bastamalarǵa qoldaý kór­setý, ondaǵy úkimettik emes uıym­dar­dy jergilikti bıýdjetten qarjy­lan­dy­rý­dy ulǵaıtý tetikterin jasaýǵa ba­ǵyt­tal­ǵan zań jobasy qoǵamdyq talqy­laý­dan ótti. Otbasylyq jáne genderlik saıasattyń tujy­rym­damasynda otbasynyń ómir sapasyn kóterý, ana men balany qorǵaý máseleleri qarastyrylmaq. Májilistiń qara­ýy­na túsken zań jobalarynyń arasynda Qylmystyq kodekske ólim jazasyna baılanysty zańnamalyq jańalyqtar, quqyq qorǵaý qyzmetin ótkerý tártibin jetildirýge jáne jemqorlyqqa qarsy kúres máselelerine qatystylary da bar.

Sonymen az ýaqyttyń ishinde kóp jumys atqaryldy. Elimizde júıeli ózgerister men reformalar júrgizýge qajetti zańnamalyq negiz jasalýda. Olar halyqtyń múddesi men memlekettiń múmkindikterin zerdeleý ne­gizinde qabyldandy. El damýynyń sheshýshi kezeńine qadam basqan kezde jáne dúnıe júzindegi ahýaldyń qubylmaly ekenin eskere kele, Q.Toqaev ustanatyn baǵytyn belgilep, maqsatyn aıqyndap, naqty josparyn jasap, bastaǵan isin sońyna deıin jetkizýge degen úlken senimmen belin bekem býdy. Endigi jerde ýaqyt uttyrmaı, aldymyzda turǵan maqsattardy nátıjeli oryndaý úshin qoǵam bolyp, birtutas el retinde adal eńbek etip, reformalardy júrgizýge belsendi atsalysý qajet-aq. Otanymyzdyń, táýelsizdiktiń bolashaǵyna degen jaýapkershilikpen árkim azamattyq boryshyn adal oryndap, zańmen ómir súrip, óskeleń urpaqty osyǵan baýlysa, barlyǵy durystalady. «Endeshe, birligimizdi bekemdep, el úshin eńbek eteıik!», degen Memleket basshysynyń sózinde úlken mán-maǵyna men jaýapkershiliktiń bary anyq, aǵaıyn.