Ekonomıka • 14 Qyrkúıek, 2021

Qazaqstan ekonomıkasy pandemııaǵa deıingi deńgeıge jetti — A. Mamın

50 ret kórsetildi

QR Premer-Mınıstri Asqar Mamınniń tóraǵalyǵymen ótken Úkimet otyrysynda elimizdiń 2021 jylǵy qańtar-tamyz aılaryndaǵy áleýmettik-ekonomıkalyq damýynyń jáne respýblıkalyq bıýdjet atqarylýynyń qorytyndylary qaraldy, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Ekonomıkanyń damýy, aqsha-nesıe saıasaty, respýblıkalyq bıýdjettiń atqarylýy, memlekettik satyp alýdaǵy jergilikti qamtý týraly ulttyq ekonomıka mınıstri Áset Erǵalıev, Ulttyq bank tóraǵasy Erbolat Dosaev, qarjy mınıstri Erulan Jamaýbaev, áleýmettik mańyzy bar azyq-túlik taýarlary baǵasyna qatysty jaǵdaı týraly saýda jáne ıntegrasııa mınıstri Baqyt Sultanov, ónerkásip pen energetıka sektorynyń damýy týraly ındýstrııa jáne ınfraqurylymdyq damý mınıstri Beıbit Atamqulov pen energetıka mınıstri Maǵzum Myrzaǵalıev, agroónerkásiptik keshendegi ahýal týraly aýyl sharýashylyǵy mınıstri Erbol Qarashókeev baıandady.

Úkimet basshysy Qazaqstan ekonomıkasynyń kórsetkishteri pandemııaǵa deıingi deńgeıge jetkenin jáne senimdi qalpyna kelý serpinin kórsetip otyrǵanyn atap ótti. Bıylǵy jyldyń segiz aıynyń qorytyndysy boıynsha JIО́ ósimi 3% qurady.

О́ńdeý ónerkásibinde 5,8%-ǵa, saýda salasynda 9,1%-ǵa, baılanys salasynda 12,8%-ǵa, sondaı-aq qurylysta 11,4%-ǵa ósý bar. Osy jyldyń 8 aıynda elimizde 8,9 mln sharshy metr turǵyn úı paıdalanýǵa berildi, bul ótken jylmen salystyrǵanda 10,5%-ǵa artyq.

О́ńdeý ónerkásibindegi ósim farmasevtıkalyq ónim óndirý kóleminiń 40,8%-ǵa, mashına jasaýdyń 23,9%-ǵa, munaı óńdeýdiń 9,2%-ǵa, bylǵary buıymdaryn shyǵarýdyń 8,4%-ǵa, azyq-túlik ónimderin óndirýdiń 4,8%-ǵa jáne hımııa ónimderiniń 2,2%-ǵa ulǵaıýymen baılanysty.

OPEK+ aıasynda munaı óndirýge qoıylǵan shekteýlerdi eskere otyryp, taý-ken óndirisi sektoryndaǵy ósý qarqyny shekteýli (-1,4%) bolyp qalyp otyr.

Kórsetiletin qyzmetter sektoryndaǵy ósý qarqyny qalpyna kelip jatyr jáne qazirgi ýaqytta saýdadaǵy (+9,1%) jáne baılanystaǵy (+12,8%) joǵary dınamıka esebinen 2,3%-ǵa jetti.

Negizgi kapıtalǵa salynǵan ınvestısııalardyń ósýi taý-ken óndirisin esepke almaǵanda 18%-dy qurady. Bul qurylysta (+150,1%), óńdeý ónerkásibinde (+81,7%), aýyl sharýashylyǵynda (+43,2%), saýdada (+39,9%), aqparat pen baılanysta (+37,0%), jyljymaıtyn múlik operasııalarynda (+16,2%) jáne kólik qyzmetterinde (+9,0%) negizgi kapıtalǵa salynǵan ınvestısııalardyń joǵary kórsetkishteri esebinen oryndaldy.

Bıylǵy qańtar-tamyz aılarynyń qorytyndylary boıynsha Almaty, Jambyl, Qostanaı, Mańǵystaý oblystary jáne Shymkent qalasy barlyq 7 negizgi makrokórsetkish boıynsha, Aqmola, Aqtóbe, Atyraý, Qaraǵandy, Qyzylorda, Pavlodar, Soltústik Qazaqstan oblystary jáne Nur-Sultan qalasy 6 kórsetkish boıynsha, Shyǵys Qazaqstan, Túrkistan oblystary jáne Almaty qalasy 5 kórsetkish boıynsha áleýmettik-ekonomıkalyq damý ósimin qamtamasyz etti. Batys Qazaqstan oblysy eń tómengi kórsetkishterge ıe.

Úkimet basshysy ákimdikterge kórsetkishterdiń tómendeýi men baıaýlaýy baıqalatyn ekonomıka sektorlarynda ósý qarqynyn arttyrýdy, ekonomıkany odan ári ártaraptandyrý, ınvestısııalar tartý jáne jumys oryndaryn qurý jónindegi jumystardy jalǵastyrýdy tapsyrdy.

Memlekettik organdardyń basshylary men ákimderge baǵany ustap turýdy kúsheıtý, Saýda jáne ıntegrasııa mınıstrligine Inflıasııaǵa qarsy áreket etý sharalary keshenin iske asyrýdy naqty úılestirý tapsyryldy.

«Barlyq óńirler áleýmettik-ekonomıkalyq damýdyń josparlanǵan kórsetkishterine qol jetkizýdi jáne Memleket basshysy Qasym-Jomart Toqaev alǵa qoıǵan mindetterdi tıimdi iske asyrýdy qamtamasyz etýi qajet», dedi A. Mamın.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Uqsas jańalyqtar