Jylytý maýsymyna ázirlik boıynsha júrgizilip jatqan jumystar týraly energetıka mınıstri Maǵzum Myrzaǵalıev, ındýstrııa jáne ınfraqurylymdyq damý mınıstri Beıbit Atamqulov, Atyraý oblysynyń ákimi Mahambet Dosmuhambetov, Qaraǵandy oblysynyń ákimi Jeńis Qasymbek, Pavlodar oblysynyń ákimi Ábilqaıyr Sqaqov baıandady.
О́ńirlerde 10 myńnan astam avtonomdy qazandyq nemese 99%-y, 45,6 myńnan astam turǵyn úı (94%) daıyndaldy. 3,8 myń km jylý jelileri (96%), 13,6 myń km sýmen jabdyqtaý jelileri (99%) jóndeldi. Jylytý maýsymyna 11,1 myńnan astam (99%) bilim berý obektileri jáne 5,7 myń (99%) densaýlyq saqtaý obektileri daıyndaldy. Kómir óndirýshi kompanııalar 68 mln tonna kómir óndirdi.
Tutynýshylardyń kommýnaldyq qyzmetter úshin bereshegi 14,4 mlrd teńgeni quraıdy. Eń kóp debıtorlyq bereshek Almaty qalasynda – 2,88 mlrd teńge, Nur-Sultan qalasynda – 2,56 mlrd teńge, Shymkent qalasynda – 2,47 mlrd teńge jáne Qyzylorda oblysynda – 1,55 mlrd teńge.
«Jalpy óńirlerdiń ákimdikteri turǵyn úı-kommýnaldyq sharýashylyq, bilim berý, áleýmettik sala obektileri men jylý energııasy kózderin jylytý maýsymyna daıyndaý boıynsha jumys júrgizdi. О́ńirlerde jylytý maýsymy jospar boıynsha bastalady», dedi A. Mamın.
Úkimet basshysy ákimdikterge ınjenerlik jelilerde, bilim berý, densaýlyq saqtaý obektileri men úılerde josparlanǵan jóndeý jumystarynyń bárin belgilengen merzimde aıaqtaýdy, asa qysqa merzimde jylytý maýsymyn ótkizýge ázirlik pasporttaryn alýdy qamtamasyz etýdi júktedi.
Premer-Mınıstr barlyq avtonomdy jylý kózderin otynnyń normatıvtik qorymen qamtamasyz etýdi, kómir tapshylyǵyna jol bermeý úshin óńirlerde kómir jetkizýshilermen belsendi ózara is-qımyl jasasýdy jáne kommýnaldyq-turmystyq qajettilik úshin ári turǵyndarǵa otyn jetkizýge udaıy monıtorıng júrgizýdi tapsyrdy.
