Elge oralǵan qazaqtar Pavlodar, Qostanaı, Aqmola, Shyǵys Qazaqstan jáne Soltústik Qazaqstan oblystarynyń birine mekendeı alady. Bul týraly Informburo saıty jazdy.
Sonymen qatar ár otbasyna 204 myń teńgeden beriledi. Buǵan qosa, bir jyl boıy aı saıyn baspana jaldaýǵa 87 500 teńge qarjylaı kómek kórsetiledi.
Almaty qalasy áleýmettik ál-aýqat basqarmasy basshysynyń orynbasary Danııar Álkebaıulynyń aıtýynsha, joǵaryda atalǵan jeńildikter Aýǵanstan qazaqtary atalǵan oblystarǵa qonystansa ǵana beriledi.
«Buǵan deıin olardyń Almatydaǵy qonaq úılerdiń birine ornalasqany habarlanǵan edi. Olar munda 24 qyrkúıekke deıin bolady. Soǵan deıin olar qaı óńirge baryp qonystanatynyn sheshýi tıis», dep jazady Ortalyq Azııanyń jańalyqtar qyzmeti.
Bılik dıplomy barlaryna mamandyǵy boıynsha jumysqa turýyna kómektesetinin, bilimi joqtardy arnaıy kýrsta oqytýdy josparlap otyrǵanyn aıtty.
