Bul týraly Qoǵamdyq densaýlyq saqtaý basqarmasy málimdedi.
«Vaksınasııa pýnktterin aralaý kezinde ekpe alý úshin otbasy bolyp keletinderdi baıqadyq. Ata-analary, baýyrlary, ápkeleri, úlken kisiler. Muny kórip biz tań qaldyq, óıtkeni bul azamattardyń óz densaýlyǵyna, ásirese balalaryna degen alańdaýshylyǵy artýyn bildiredi. Oqý jyly bastaldy, bul prosedýrany keıinge qaldyrýǵa bolmaıdy. Sebebi balalar arasynda aýrý paıda bola bastady, aýyr zardaptarǵa jol bermeý kerek. Árıne, balalardy mektepke tek muǵalimderdiń, oqytýshylardyń ózderi ekpe alǵan kezde ǵana jiberýge bolady. Búgin Nur-Sultan mektepterinde búkil ujym vaksınasııalandy», deıdi Qoǵamdyq densaýlyq saqtaý basqarmasy basshysynyń orynbasary Álııa Rústemova.
Vedomstvo sonymen qatar kúzdiń bastalýymen maýsymdyq juqpaly aýrýlar sany artyp kele jatqanyn atap ótti. Sondyqtan qazir ózińizdi qorǵaý jáne ınfeksııaǵa qarsy vaksınasııalaý óte mańyzdy.
«Kópshilik biletindeı, kúzde JRVI, tumaý aýrýy bastalady. Kúzde biz balalarǵa aldyn-alý úshin mantý jasaımyz, azamattardy tumaýǵa qarsy vaksınasııalaımyz, qazan aıynda basqa da profılaktıkalyq tekserýler júrgiziledi. О́zińizdi aýrýlardan qorǵaý úshin ekpeni ýaqytyly alý kerek. Tájirıbe kórsetkendeı, basqa juqpaly aýrýlar myńdaǵan adamnyń ómirin qıǵan KVI sııaqty qaýipti emes», dep atap ótti basqarmada.
