«14 qyrkúıekte AQSh-tyń Tótenshe jáne О́kiletti Elshisi Djon Mark Pommershaım myrza Syrtqy ister mınıstrligine shaqyryldy. AQSh elshisi Djo Baıden myrzanyń Pensılvanııa shtatyndaǵy órt sóndirý beketine barǵan kezdegi málimdemelerine baılanysty narazylyq notasyn aldy. Eskertpe mundaı málimdemeler dostyq qarym-qatynas pen seriktestik rýhyna sáıkes kelmeıtinin kórsetedi», dep habarlaıdy vedomstvonyń baspasóz qyzmeti.
Sonymen qatar Syrtqy ister mınıstrligi Tájikstan AQSh-pen ózara qoldaý men qurmet rýhynda tıimdi qarym-qatynasty damytýǵa múddeli ekenin bildirdi.
Aıta keteıik, 11 qyrkúıekte Djo Baıden Pensılvanııadaǵy órt sóndirý beketine bardy. Is-shara barysynda ol eger AQSh óziniń jaqtastaryn Tájikstannan shyǵarýǵa sheshim qabyldasa, Aýǵanstandaǵydaı ushaqtyń shassıine jabysyp, elden ketpek bolatyndardyń kórinisi qaıtalanýy múmkin ekenin aıtty.
«Muny basqasha qalaı jasaýǵa bolatynyn túsindirý qıyn. Mysaly, eger Tájikstanda bolsaq, S-130 ushaǵyn shyǵaryp, bizbe birge bolǵysy keletinderge múmkindik beretinimizdi aıtsaq, shassıge jabysatyndar da bolar edi», dedi Djo Baıden.
