Qazaqstan • 14 Qyrkúıek, 2021

Qazaqstan BUU Adam quqyqtary jónindegi keńesine saılaýǵa qatysýǵa ótinim berdi

28 ret kórsetildi

2021 jylǵy 7 qyrkúıekte Jenevada, BUU shtab-páterinde uıymǵa múshe memleketterdiń dıplomatııalyq ókildikteriniń qatysýymen ulttyq ótinimniń tusaýkeseri ótti, dep habarlaıdy Egemen.kz Adam quqyqtary jónindegi ýákildiń baspasóz qyzmetine silteme jasap.

Keńes quramyndaǵy 18 orynǵa 2022-2024 jyldarǵa 18 el úmitker bolyp otyr. Azııa-Tynyq muhıt aımaǵy memleketterinen 5 orynǵa Úndistan, Qazaqstan, Katar, Malaızııa, Birikken Arab Ámirlikteri sııaqty 5 el ótinim berdi.

Qazaqstannyń ótinimin Qazaqstan Respýblıkasy Premer-Mınıstriniń orynbasary - QR Syrtqy ister mınıstri M.Tileýberdi usyndy. Ol is-sharaǵa qatysýshylardy júrgizilip jatqan saıası reformalar, zańnamalyq bastamalar, sondaı-aq quqyqtyq jáne adamgershilik baǵyttaǵy memlekettik mindetter men basymdyqtar týraly habardar etti.

QR Adam quqyqtary jónindegi ýákili Elvıra Ázimova is-sharaǵa Jenevadaǵy BUU bólimshesi jáne basqa da halyqaralyq uıymdar boıynsha Qazaqstannyń Turaqty ókildiginiń shaqyrýymen onlaın formatta qatysty.

E.Ázimova daýys berýshi elder ókilderiniń nazaryn kandıdat memleketterdiń, atap aıtqanda Qazaqstannyń mynadaı ólshemderine aýdardy: saıası áleýettiń ornyqtylyǵy, BUU-nyń júıeli bastamalaryn ilgeriletý perspektıvasy, quqyq qorǵaý ınstıtýttary men azamattyq sektordyń óńirlik áleýeti, BUU ınstıtýttarymen jáne organdarymen birlesip óńirlik jáne halyqaralyq jobalarda teń áriptestiktiń eldik áleýeti.

Adam quqyqtary jónindegi ýákil Keńeske múshe bolý Qazaqstandy óńirlik bastamalardy ilgeriletýge ǵana emes, qabyldanǵan mindettemelerdi oryndaýdyń sapaly deńgeıine shyǵarýǵa yntalandyratynyn atap ótti.

BUU Adam quqyqtary jónindegi keńesine saılaý nátıjeleri 2021 jyldyń qazan aıynyń ortasynda belgili bolady dep kútilýde.

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar