Saıasat • 15 Qyrkúıek, 2021

Baıqaý jeńimpazdary marapattaldy

19 ret kórsetildi

Elordada «Qazaqstandaǵy klımattyń ózgerýi» taqyrybymen ótken BAQ ókilderi arasyndaǵy baıqaýdyń qorytyndysy jarııalandy. Baıqaýdy BUU-nyń Qazaqstandaǵy ókildigi uıymdastyrdy.

Baıqaý qorytyndysyn BUU-nyń Qazaq­stan Respýblıkasyndaǵy turaqty úıles­ti­rýshisi Mıkaela Frıberg-Storı jarııalady. Onyń aıtýynsha, baıqaýǵa kóptegen maqala kelip túsken.

«Baıqaý kezinde búkil Qazaqstannan jal­py sany 50-ge jýyq maqala kelip tústi. Ma­terıaldardyń bári BUU-nyń muqııat súzgisinen ótti. Baǵalaý ońaı bolǵan joq. Klımattyń ózgerýi, bıoalýandyq, ekojúıeni saqtaý máselelerin qozǵaǵan, tereń oı týyndatatyn maqalalar kóp keldi. Sondyqtan jeńimpazdyń anyqtaý qıynǵa soqty. Biz bul maqalalardyń shyǵarmashylyq deńgeıine, zertteýdiń tereńdigine, stıline mán berdik. О́ıtkeni bul maqalalar memleket qaıratkerlerin, ózge de tulǵalardy bul problemaǵa beıjaı qaramaýǵa shabyttandyrýy kerek edi», dedi BUU ókili.

Sonymen Elorda aqparat aqparat agenttiginiń jýrnalısi Dýlat Tólepov baıqaýdyń úshinshi oryn ıegeri atandy. Oǵan BUU sertıfıkaty men 350 myń teńgeniń vaýcheri berildi. Ekinshi oryn ıegeri CABAR Asia tilshisi Zýlfııa Raısovaǵa 650 myń teńge vaýcheri buıyrdy. Birinshi oryn alǵan Astana Times gazetiniń jýrnalısi Janna Shaıahmetovaǵa 1 mln teńge syıaqy buıyrdy.

«Birinshi oryn ıegeri 10 jyl boıy omartashylyqpen aınalysyp kele jatqan Almaty oblysy kásipkeriniń jeke áńgimesi boıynsha keremet maqala ázirlegen. Bul shabyttandyrarlyq áńgime – ekonomıkalyq qundylyq, ekojúıeni qurmetteý men adamdarǵa jáne tabıǵatqa paıda ákelý sııaqty izgi oılardyń úılesimi. Oǵan Glazgo qalasynda ótetin SOR26 sharasyna saparǵa joldama jáne 1 mıllıon teńgelik vaýcher berildi», dedi Mıkaela Frıberg-Storı.

 

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar