О́ńirde indettiń aldyn alý baǵytynda qyrýar jumys atqarylyp jatqanymen, juqpaly aýrýdyń ekpini áli báseńdemeı tur. Etek alyp ketýine eń aldymen eldiń ózi kináli. Qaýipsizdik sharalary saqtala bermeıdi. Alǵashqy bette abyrjyp, bir-birine úrke qaraǵan adamdardyń eti úırenip ketken tárizdi. Mundaı nemquraıdylyq jaqsylyqqa bastamasy belgili. Áıtse de sala qyzmetkerleri salǵyrt emes. El basyna tóngen náýbetpen hal-qaderinshe kúresýde. Emdelýshilerge qashyqtan keńes berý jumysy jolǵa qoıylǵan. 105 mobıldi top jumys isteıdi. О́ńirde densaýlyq saqtaý basqarmasy ishki saıasat basqarmasymen birlese otyryp, keleli máselelerdi talqylaý, áleýmettik jelilerge baqylaý jasaý jáne taldaýdy durys uıymdastyrý úshin «COVID-19» baspasóz ortalyǵyn uıymdastyrdy.
Oblysta búginge deıin 38 773 adamǵa juqpaly aýrý juqqany rastaldy. Sońǵy jumada aptalyq kórsetkish 5,2 paıyzǵa ósti. 1 qyrkúıekke deıin jaman tumaýdyń sheńgeline ilikken 385 adamnyń ómirden ótkeni belgili bolyp otyr. Aldyńǵy aptada ǵana ondaǵan adam dert saldarynan kóz jumyp, bul oraıdaǵy kórsetkish 9 paıyzǵa ósken. Qaýipti indet juqtyrǵan naýqastardyń 21 677-i emhanaǵa ózderi kelip tekserilgen kezde aǵzalarynan juqpaly aýrý anyqtalsa, 12 035-i naýqas adamdarmen qarym-qatynasta bolǵandar. Demek, bul oraıda da saqtaný sharalarynyń talapqa saı emes ekendigi ańǵarylady. 3 339 adamnyń naýqas ekeni profılaktıkalyq skrınıng kezinde anyqtalǵan.
Búginde esh adamdy aıaýdy bilmes indettiń alapat zardabynan aman qalýdyń jalǵyz joly – ekpe alý ekendigi belgili. Aqpan aıynan bastap oblys turǵyndary 629 190 doza vaksına alǵan. Onyń ishinde 332 595-i
ekpeniń birinshi komponentin, 296 595-i ekinshi komponentti alǵandar. Osylaısha, osy jyldyń aqpan aıynan bastap ekpe jumystary ekpindi júrgizilip keledi.
Búgingi tańda oblystyń kásiporyndarynda jumys isteıtin 18 168 jumysshy ekpe alyp úlgerdi. Olardyń ishinde muǵalimder men stýdentter de bar. Tipti, sozylmaly syrqaty bar adamdardyń basym kópshiligi ekpe alyp úlgergen.
Qazir ekpe alýdyń esh qıyndyǵy joq. 133 vaksına ortalyǵy men 135 mobıldi top turaqty jumys isteıdi. Bul jumysqa 564 medısına qyzmetkeri tartylyp otyr. Oblys aýdandarynda 11 jyljymaly medısınalyq keshen osy baǵyttaǵy jumysty tyńǵylyqty atqarýda.
Aldyn alý jumystarymen birge adamdardyń da óz densaýlyǵyna salǵyrt qaramaı, dárigerler keńesin eskerip otyrsa, jaman tumaýdyń qarqyny qaıtar edi.
Aqmola oblysy
