Abaı Qunanbaıulynyń «Qarasózderi» men tańdamaly poezııasynyń norveg tilindegi aýdarmalarynyń baspageri Oshıld Kúlos sóz sóılep, aqyn óleńderin oqyp berdi. Keshen qonaqtaryna Ekinshi dúnıejúzilik soǵys kezinde Norvegııanyń soltústigin azat etýge qazaqstandyq jaýyngerlerdiń qatysqany jáne lagerlerde tutqynda bolǵany týraly aıtyldy. Ásirese, vzvod komandıri Muqash Safarǵalıev, sarbazdar Ǵanı Qyshmetov, Temirbek Keńesbaev pen Imanzada Qabaqov týraly áńgimeler qyzyǵýshylyq týdyrdy.
Elshi Erkin Ahınjanov pandemııa tez arada aıaqtalsa, Qazaqstannyń tanymal óner sheberleriniń Norvegııada, sonymen qatar norvegııalyq oryndaýshylardyń qoıylymdary Qazaqstanda uıymdastyrylatynyn atap ótti.
Aıta keteıik, Qazaqstan elshiligi men «Raýshangúl saraıynyń» keıingi jyldary mádenı baılanysy artyp keledi.
«Qazaqstan elshiligin jáne Norveg-qazaq mádenı ortalyǵyn «Raýshangúl saraıynda» qarsy alý – biz úshin úlken qýanysh. Bul keshende «Sovettik orys munarasy» ınstallıasııasy bar. Músin – fashıstik rejim kezinde ómirin qıǵan jáne Norvegııada ınfraqurylym salǵan Keńes Odaǵynyń barlyq tutqyndaryna arnalǵan eskertkish. Olar temir jol jáne basqa da qurylys nysandarynda aýyr jumys istedi. Kóptegen adamdar sol soǵys jyldary qaza tapty. Aralarynda qazaqtar bolǵan. Tiri qalǵandar da boldy, tipti keıbireýi Norvegııada qalyp, otbasyn qurdy», dedi keshenniń mýzykalyq jetekshisi Martın Romberg.
