Qazaqstan Respýblıkasyndaǵy Adam quqyqtary jónindegi ýákil (Ombýdsmen) Asqar Shákirov Eýropalyq Odaqtyń Astanadaǵy Elshisi Aýrelııa Býshezben jáne Ortalyq Azııadaǵy Halyqaralyq túrme reformasynyń (PRI) О́ńirlik dırektory Sáýle Mektepbaevamen kezdesti.
Qazaqstan Respýblıkasyndaǵy Adam quqyqtary jónindegi ýákil (Ombýdsmen) Asqar Shákirov Eýropalyq Odaqtyń Astanadaǵy Elshisi Aýrelııa Býshezben jáne Ortalyq Azııadaǵy Halyqaralyq túrme reformasynyń (PRI) О́ńirlik dırektory Sáýle Mektepbaevamen kezdesti.
Kezdesý barysynda áleýmettik saıasattyń jańa qaǵıdattaryn ımplementteý, áleýmettik quqyqtardy jáne memlekettik qyzmetter alý salasynda halyqtyń osal toptarynyń quqyqtaryn qorǵaý bóliginde «Qazaqstan-2050» Strategııasyn iske asyrý kezinde eki jaqty ózara árekettesýdiń perspektıvalary talqylandy.
Taraptar adam quqyqtaryn qorǵaý júıesin jetildirý, Qazaqstanda Ombýdsmen mekemesin ári qaraı ınstıtýttyq damytý, Elbasynyń tapsyrmasy boıynsha ótkizilip jatqan qylmystyq-quqyqtyq reforma, sondaı-aq, qaıta qurylǵan Azaptaýdyń aldyn alýdyń ulttyq aldyn alý tetigin (UAT) iske asyrý máselelerine toqtaldy.
Qazaqstandyq Ombýdsmen atap ótkendeı, azamattardyń memlekettik qyzmetterge qoljetimdiligine degen quqyqtaryn qamtamasyz etý, halyqtyń osal toptaryn qorǵaý jáne jalpy áleýmettik máseleler ulttyq quqyq qorǵaý mekemesi úshin basty máseleler bolyp tabylady, bul rette basymdyq aldyn alý sharalaryna beriledi.
– Sondaı-aq, jabyq mekemelerdegi azaptaýdy aldyn alýǵa zor mańyz berilýde. Monıtorıngtik qyzmet sheńberinde memlekettik organdar men azamattyq qoǵam arasyndaǵy yntymaqtastyqtyń, onyń ishinde Azaptaý faktilerin qaraý jónindegi ýákil janyndaǵy Jumys tobynda aıtarlyqtaı tájirıbe jınaqtalǵan, – dep atap ótti A.Shákirov.
«Egemen-aqparat».
