«Sońǵy 2009 jylǵy sanaqta respondentter 45 suraqqa jaýap berdi. 2021 jylǵy halyq sanaǵynda 91 suraq bar, onyń 69-y mindetti, 22-si - naqtylaý suraqtary. Saýalnamalarǵa demografııalyq, turǵyn úı, jumyspen qamtý máselelerinen basqa, azamattardyń densaýlyǵy týraly suraqtar kiredi, onyń ishinde respondentter «koronavırýspen aýyrdyńyz ba?», «vaksına saldyrdyńyz ba?» degen saýaldar bar», deıdi ol.
Bólim bastyǵy saýalnamaǵa pandemııanyń áseri týraly suraq nege qosylǵanyn túsindirdi.
«Sol arqyly respondentterdiń jalpy jaǵdaıy týraly bilýge bolady. Alynǵan málimetter tekseriledi jáne óńdeledi. Qorytyndy 2022-2023 jyldary on jınaq bolyp shyǵady. Onda: etnıkalyq quram, kóshi-qon, bilim, neke men otbasy, úı sharýashylyǵy, jumyspen qamtý, tabys pen kúnkóris kózi, turǵyn úı sıpattamasy qamtylady», dedi A.Ábildabekov.
О́z kezeginde, sanaq nátıjeleri ekonomıkalyq boljaýǵa, jumyspen qamtý saıasatyn aıqyndaýǵa, basqa áleýmettik baǵdarlamalardy qurýǵa, sondaı-aq memlekettik organdardyń fýnksııalaryn oryndaýǵa, ǵylymdy jáne jalpy qoǵamdy aqparattyq qamtamasyz etýge paıdalanylatyn bolady.
«Alynǵan málimetter aımaqtyń ekonomıkalyq damýy úshin paıdalanylatyn bolady. Mysaly, balabaqsha, mektep, aýrýhana, emhana salý úshin paıdalanylady», dep qosty A.Ábildabekov.
Halyq sanaǵy kezinde alaıaqtardan qorǵaný úshin spıker ıntervıýerlerdiń erekshe kıimderine nazar aýdarýǵa keńes berdi.
«Suhbat alýshylar 1 qazannan 30 qazanǵa deıin úı-úıdi aralaıdy. Ár sanaq júrgizýshide Almaty qalasynyń statıstıka departamentiniń móri basylǵan fotosýret ıdentıfıkatory, ulttyq sanaq belgileri bar sharf pen sómke jáne derekterdi engizýge arnalǵan elektrondy planshet bolady. Qujattyń durystyǵyn sanaq.gov.kz saıtynan tekserýge bolady. Muny isteý úshin sizge ID nómirin arnaıy izdeý jolyna - «Suhbat berýshini izdeý» (oń jaq joǵarǵy buryshta ornalasqan) jazý qajet», dedi ol.
