Qatysýshylar uıym qyzmetiniń basym baǵyttaryn, UQShU-ǵa kiretin óńirlerde qalyptasyp jatqan áskerı-saıası ahýaldy talqylady. Uıymǵa Armenııa, Belarýs, Qazaqstan, Qyrǵyzstan, Reseı jáne Tájikstan kiredi. Bul týraly Qorǵanys mınıstrliginiń baspasóz qyzmeti habarlady.
«Elimizdiń Qarýly kúshterinde 2022 jyly jedel den qoıý ujymdyq kúshteriniń birlesken oqý-jattyǵýlaryn uıymdastyrý jáne olardy ótkizý boıynsha jumys bastaldy. Bul rette jaýyngerlik is-qımyldardy júrgizýdiń jańa ádisteri men tásilderi pysyqtalmaq. Sońǵy kezdegi qarýly qaqtyǵystar tájirıbesinen alynǵan sabaqtar oqý-jattyǵý ssenarıılerinde eskerilýge tıis», dep jazylǵan habarlamada.
Birlesken otyrystyń qorytyndysy boıynsha mınıstrler uıymnyń qyzmetine qatysty birqatar qujatqa qol qoıdy.
