Uıym el úkimetteri jasandy ıntellekt qosymshalaryn engizýge asyǵatynyn aıtady. Sonymen qatar, BUU jasandy ıntellekt algorıtmine negizdelgen júıelerdiń jumysynan aqaý shyqsa, adam quqyǵy buzylýy múmkin ekenin alǵa tartady.
Atap aıtqanda, bıometrıkalyq derekterdi jınaýǵa jáne adam júzin taný tehnologııasyna erekshe nazar aýdarý usynyldy, sebebi bul tehnologııa arqyly «adamdardy sheksiz baqylaýǵa bolady».
BUU adam quqyqtary jónindegi sarapshylary bılik organdary bul júıelerdiń kemsitýshilikke jatpaıtynyn jáne qupııalylyq pen derekterdi qorǵaýdyń qatań standarttaryna sáıkes keletinin kórsetpeıinshe, qoǵamdyq oryndarda qoldanýǵa moratorıı jarııalaýǵa shaqyrady.
«Adam quqyqtaryna qalaı áser etetinine jetkilikti nazar aýdarylmaı qoldanylsa, jasandy ıntellektiniń teris, tipti qaıǵyly saldary bolýy múmkin. Adam quqyǵyn buzý qaýpi neǵurlym joǵary bolsa, ony qoldanýǵa qoıylatyn talaptar soǵurlym qatal bolýy kerek. Sebebi aqaý shyqsa, ony baǵalap, túzetý úshin ýaqyt kerek. Mundaı yqtımaly joǵary qaýipti tehnologııalardy qoldanýǵa moratorıı engizgen jón», dedi BUU adam quqyqtary jónindegi komıssary Mıshel Bachelet.
