Oblys ákimi Nurlan Noǵaev apparattyq jıyn barysynda halyqty aýyz sýmen úzdiksiz qamtamasyz etýge baǵyttalǵan jobalardy iske asyrýdy jedeldetýdi tapsyrdy.
Ol Memleket basshysynyń Joldaýynda aıtylǵan ózekti máselelerdiń biri eldi mekenderdi aýyz sýmen qamtamasyz etý ekenin atap ótti.
– Oblysta aımaqty sýmen qamtýǵa baǵyttalǵan baǵdarlama bar, alaıda biz onyń nátıjesin kútip otyra bermeı, ózekti máselelerdi sheshýdiń qosymsha joldaryn izdeýimiz kerek. Bizge Aqtaý qalasynyń aýmaǵynan sý tushytatyn zaýyt qurylysyna óz qarajatyn salýǵa daıyn ınvestorlar habarlasty. Biz mundaı bastamalardy tolyq qoldaımyz, – dedi oblys ákimi.
Jańa zaýyttyń josparlanǵan qýaty 20 myń tekshe metrden astam. Oblys ákimi keler jyldyń jazynda alǵashqy kezeńi aıaqtalatyn zaýyt qurylysyn Aqtaý qalasynyń ákimi N.Qılybaıǵa jeke baqylaýyna alýdy tapsyrdy. Birinshi kezeńinde táýligine 5 myń tekshe metr sý tushytylmaq.
